ભાણવડ તાલુકાના ચોખંડા ગામે રહેતા સામતભાઈ વિક્રમભાઈ રાવલીયા નામના એક આસામી કે જેઓ ચોખંડા સેવા સહકારી મંડળી લિમિટેડના સભાસદ હતા. અહીંની જામનગર ડિસ્ટ્રિક્ટ કો-ઓપરેટીવ બેંક દ્વારા ધિરાણ લેતા સભાસદ, ખેડૂતોનો વીમો લેવામાં આવે છે. જેનું પ્રીમિયમ બેંક ભરપાઈ કરે છે. થોડા સમય પૂર્વે ચોખંડા ગામના સામતભાઈ રાવલિયાનું અકસ્માતમાં નિધન થતાં તેમના વારસદાર પત્ની માલીબેન સામતભાઈ રાવલીયાને અહીંના કેબિનેટ મંત્રી મુળુભાઈ બેરાના હસ્તે ડિસ્ટ્રીક્ટ બેંકના ચેરમેન પી.એસ. જાડેજાની ઉપસ્થિતિમાં ક્લેમનો રૂપિયા પાંચ લાખનો ચેક અર્પણ કરવામાં આવ્યો હતો.