રાજકોટ સહિત સમગ્ર સૌરાષ્ટ્ર્રમાં હાલ ધૂમ લગાળો હોય ગુજરાત રાજય માર્ગ અને વાહન વ્યવહાર નિગમના રાજકોટ એસટી ડિવિઝન દ્રારા છેલ્લા છ દિવસમાં ૩૯ બસો લગ્ન પ્રસંગો માટે ફાળવવામાં આવી હતી, યારે લગાળાને કારણે ટ્રાફિક વધતા મુસાફર ભાડાની દૈનિક આવક વધીને ૬૦ લાખને પાર પહોંચી છે.
વિશેષમાં રાજકોટ એસટી ડિવિઝનના વિભાગીય નિયામક જે.બી.કલોતરાએ જણાવ્યું હતું કે, ફેબ્રુઆરી સુધીમાં હજુ અનેક લગ્ન પ્રસંગો માટે એસટી બસોના કેયુઅલ કોન્ટ્રાકટથી ભાડે આપવા બુકિંગ થયું છે પરંતુ હાલ તા.૧૫ જાન્યુઆરીથી તા.૨૧ જાન્યુઆરી સુધીના ફકત છ દિવસમાં લ પ્રસંગો માટે ૩૯ એસટી બસની ફાળવણી કરવામાં આવી છે. લગ્ન પ્રસંગોમાં જાન લઇ જવા માટે ભાડે લેવાતી બસોમાં તાજેતરમાં નવી ખરીદાયેલી બસો ભાડે અપાઇ રહી છે તેમ જણાવ્યું હતું. લગ્ન  પ્રસંગો માટે સસ્તા ભાડેથી એસટી બસો ભાડે આપવાની સરકારની યોજના હોય લોકો ખાનગી ટ્રાવેલ્સ કંપનીઓની લકઝરી બસ ભાડે લેવાને બદલે ફરી એસટી બસો ભાડે લેવા તરફ વળ્યા છે