યુવાધનમાં નાની ઉંમરે વધતી જતી પેટ ફૂલવાની સમસ્યા (Bloating), એસિડિટી અને કબજિયાતનું મુખ્ય કારણ તેમની બગડતી લાઈફસ્ટાઈલ અને આંતરડાને નુકસાન પહોંચાડતી ખરાબ આદતો છે. શારદા હોસ્પિટલના મેડિસિન વિભાગના પ્રોફેસર ડૉ. ભુમેશ ત્યાગીના જણાવ્યા મુજબ, યુવાનોની કેટલીક રોજીંદી ભૂલો તેમના આંતરડાના હેલ્ધી બેક્ટેરિયા (Gut Microbiome) ને નષ્ટ કરી રહી છે.પાચનતંત્ર બગાડતી આ આદતો અને તેના ઉપાયો દર્શાવતો વિગતવાર અહેવાલ નીચે મુજબ છે
પાચનક્રિયા બગાડતી ૫ મુખ્ય ખરાબ આદતો 
રાત્રે મોડા જમવું 
મોડા જમવાથી શરીરની કુદરતી પાચનક્રિયા ખોરવાય છે અને એસિડ રિફ્લક્સ (છાતીમાં બળતરા) વધે છે. આંતરડાની પોતાની 'સર્કેડિયન ક્લોક' (જૈવિક ઘડિયાળ) હોય છે, જે અનિયમિત ખોરાકથી પ્રભાવિત થાય છે.વ
વધુ પડતું કેફીન 
અભ્યાસ કે કામના દબાણમાં યુવાનો કોફી કે એનર્જી ડ્રિંક્સ વધુ પીએ છે. કેફીન પેટમાં એસિડનું પ્રમાણ વધારે છે, જ્યારે એનર્જી ડ્રિંક્સમાં રહેલી આર્ટિફિશિયલ શુગર આંતરડાને નુકસાન કરે છે.
જંક ફૂડ અને ફાઈબરની કમી
ફાસ્ટ ફૂડ અને પેકેટબંદ સ્નેક્સમાં ફાઈબર બિલકુલ હોતું નથી. ફાઈબરની ઉણપ સીધી રીતે લાંબા ગાળાની કબજિયાત અને મેટાબોલિઝમની સમસ્યાઓ નોતરે છે.
માનસિક તણાવ અને અપૂરતી ઊંઘ
મગજ અને આંતરડા સીધા જોડાયેલા છે. લાંબો સમય સ્ટ્રેસ લેવાથી આંતરડાની ગતિશીલતા ઘટે છે અને 'ઇરિટેબલ બોવેલ સિન્ડ્રોમ' (IBS) ના લક્ષણો દેખાય છે.
દવાઓનો આડેધડ ઉપયોગ
ડૉક્ટરની સલાહ વિના વારંવાર એન્ટીબાયોટીક દવાઓ લેવી, ધૂમ્રપાન (Vaping) અને આલ્કોહોલનું સેવન આંતરડાના સારા ફ્લોરા (બેક્ટેરિયા) નો નાશ કરે છે.
આંતરડાને સ્વસ્થ રાખવાના ૩ મુખ્ય ઉપાય 
પાચન સંબંધી તકલીફોમાંથી રાહત મેળવવા માટે તબીબો નીચે મુજબના મુખ્ય ફેરફારો સૂચવે છે:
ફાઈબરયુક્ત સંતુલિત આહાર
ખોરાકમાં લીલા શાકભાજી, ફળો અને આખા અનાજનો સમાવેશ કરો અને પ્રોસેસ્ડ ફૂડથી દૂર રહો.
હાઇડ્રેશન અને ફિક્સ ટાઈમિંગ
દિવસ દરમિયાન પૂરતા પ્રમાણમાં પાણી પીવું તેમજ જમવાનો અને ઊંઘવાનો સમય ચોક્કસ નક્કી રાખવો.
સ્ટ્રેસ મેનેજમેન્ટ અને વ્યાયામ
નિયમિત કસરત કે યોગ કરવા અને તણાવમુક્ત રહેવા માટે પૂરતી ૭-૮ કલાકની ઊંઘ લેવી અનિવાર્ય છે.
તબીબી ડિસ્ક્લેમર આ લેખમાં આપવામાં આવેલા સૂચનો માત્ર સામાન્ય માહિતી પ્રદાન કરવાના હેતુથી છે. તે કોઈ વ્યાવસાયિક તબીબી સારવાર કે નિદાનનો વિકલ્પ નથી. તમારી ડાયેટમાં કોઈ મોટો ફેરફાર કરતા પહેલાં અથવા પાચનની ગંભીર સમસ્યાઓ માટે હંમેશા ગૅસ્ટ્રોએન્ટેરોલોજિસ્ટ અથવા રજિસ્ટર્ડ ફેમિલી ડૉક્ટરની સલાહ અચૂક લો.