આગામી મહારાષ્ટ્ર ચૂંટણીઓ પર હરિયાણા વિધાનસભા ચૂંટણીના પરિણામોની અસર વિશે નિષ્ણાતો કહે છે કે તે ચોક્કસપણે ભારતીય જનતા પાર્ટીનું મનોબળ વધારવાની સાથે સાથે સત્તાધારી ’મહાયુતિ’ ગઠબંધનમાં તેની રાજકીય સોદાબાજીની શક્તિ પણ વધારશે. તેનાથી વિપરિત, લોકસભા ચૂંટણીમાં મહારાષ્ટ્રમાં વધુ સારું પ્રદર્શન કરનાર કોંગ્રેસની સ્થિતિ મહા વિકાસ અઘાડી (એમવીએ)માં બેઠકોની વહેંચણી પર ચચર્િ દરમિયાન નબળી પડી શકે છે.
રાજકીય વિશ્લેષક અભય દેશપાંડેએ જણાવ્યું હતું કે સીટ શેરિંગ (મહારાષ્ટ્રમાં સત્તાધારી મહાયુતિના ઘટક પક્ષો વચ્ચે) પર પ્રારંભિક વાટાઘાટો દરમિયાન લોકસભા ચૂંટણીમાં તેના નબળા પ્રદર્શન માટે ભાજપ્ની ટીકા કરવામાં આવી હતી. જો કે, તેમણે કહ્યું કે હરિયાણાનું પ્રદર્શન એ સંદેશ આપશે કે ભાજપે તેના સામાન્ય ચૂંટણી પ્રદર્શન પછી પુનરાગમન કર્યું છે.
દેશપાંડેએ કહ્યું કે આ સિવાય જે નેતાઓ ભાજપ્ની આગેવાની હેઠળના રાષ્ટ્રીય લોકતાંત્રિક ગઠબંધન (એનડીએ)ને છોડીને વિપક્ષ એમવીએમાં જોડાવા તૈયાર હતા તેઓ પણ તેમના નિર્ણય પર પુનર્વિચાર કરશે. તેમણે કહ્યું કે બીજી તરફ કોંગ્રેસે તેના સહયોગી રાષ્ટ્રવાદી કોંગ્રેસ પાર્ટી (શરદચંદ્ર પવાર) અને શિવસેના (યુબીટી) સાથે બેઠક વહેંચણી અંગે ચચર્િ કરતી વખતે નરમ વલણ અપ્નાવવું પડશે. જો કે, તેમણે ચેતવણી આપી હતી કે મહારાષ્ટ્રનું રાજકીય પરિદ્રશ્ય હરિયાણા કરતા અલગ છે.
અભય દેશપાંડેએ કહ્યું, ઉત્તરીય રાજ્યમાં કોંગ્રેસ અને ભાજપ વચ્ચે સીધી લડાઈ હતી, પરંતુ મહારાષ્ટ્રમાં છ પક્ષો છે. મહારાષ્ટ્ર નવનિમર્ણિ સેના, વંચિત બહુજન અઘાડી અને કેટલાક નાના પ્રાદેશિક પક્ષો પણ રાજકીય ક્ષેત્રે હાજર છે. આ ઉપરાંત હરિયાણાના મતદાનની મહારાષ્ટ્ર સાથે સરખામણી કરી શકાય નહીં. તેમણે કહ્યું કે હરિયાણામાં મરાઠા વિરુદ્ધ ઓબીસી અને ધનગર વિરુદ્ધ અનુસૂચિત જાતિ જેવા મુદ્દાઓ અસ્તિત્વમાં નથી. દેશપાંડેએ કહ્યું, આ જાતિ સમીકરણો જટિલ છે અને પશ્ચિમી રાજ્યમાં મતદાનની પદ્ધતિને અમુક અંશે પ્રભાવિત કરી શકે છે.

આદેશ 4 મહિનામાં બદલાઈ શકે છે- પ્રકાશ અકોલકર
જ્યારે રાજકીય વિવેચક પ્રકાશ અકોલકરે કહ્યું કે એમવીએએ કોંગ્રેસના ઉદાહરણમાંથી ઘણું શીખવાનું છે. તેમણે કહ્યું કે કોંગ્રેસ લોકસભા ચૂંટણીમાં તેના પ્રદર્શનથી ઉત્સાહિત છે અને કોંકણ જેવા વિસ્તારોમાં સીટો પર દાવો કરી રહી છે, જ્યાં તેની હાજરી ઘણી ઓછી છે. આલોલકરે કહ્યું, કોંગ્રેસે સમજવું જોઈએ કે જનાદેશ ચાર મહિનામાં બદલાઈ શકે છે. તેણે સીટ વહેંચણીની વાટાઘાટોમાં બિનજરૂરી દાવા ન કરવા જોઈએ. તેમણે કહ્યું કે હરિયાણામાં કોંગ્રેસની હાર પાછળ જૂથવાદ એક કારણ હોઈ શકે છે અને તેણે મહારાષ્ટ્રમાં તેની સ્થિતિ સુધારવી પડશે.તેમણે કહ્યું કે શિવસેના (યુબીટી) એ પણ ’રાષ્ટ્રવિરોધી’ અને ’વિશ્વાસઘાત’ જેવા વિષયોનું પુનરાવર્તન કરવાને બદલે લોકોને તે શું આપી શકે છે તે જણાવવાનો પ્રયાસ કરવો જોઈએ. અજિત પવારના નેતૃત્વવાળી રાષ્ટ્રવાદી કોંગ્રેસ પાર્ટીના કાર્યકારી પ્રમુખ પ્રફુલ પટેલે જણાવ્યું હતું કે હરિયાણાનો આદેશ ’આઉટગોઇંગ’ અને ’ભાવિ’ નેતાઓને તેમના રાજકીય પગલાં પર પુનર્વિચાર કરવા દબાણ કરશે.વરિષ્ઠ નેતા રમેશ ચેન્નીથલાએ કહ્યું કે હરિયાણાના પરિણામોની મહારાષ્ટ્ર ચૂંટણી પર કોઈ અસર થશે નહીં અને પાર્ટીના કાર્યકરોનું મનોબળ તૂટ્યું નથી. 288 સભ્યોની મહારાષ્ટ્ર વિધાનસભા માટે આવતા મહિને ચૂંટણી યોજાવાની શક્યતા છે.