અમેરિકામાં રાષ્ટ્રપતિ ટ્રમ્પ અને ઈલોન મસ્ક વિરુદ્ધ જુવાળ ફાટી નીકળ્યો છે અને 1200થી વધુ સ્થળોએ હજારો ગુસ્સે ભરાયેલા વિરોધીઓએ રસ્તા પર ઉતરી આવીને વિરોધ પ્રદર્શન કર્યું હતું.

રાષ્ટ્રપતિ ડોનાલ્ડ ટ્રમ્પ અને ઈલોન મસ્કની અમેરિકા પ્રત્યેની નીતિઓ વિરુદ્ધ 50 યુએસ રાજ્યોમાં 1200 થી વધુ સ્થળોએ 'હેન્ડ્સ ઓફ' નામના વિરોધ પ્રદર્શનો યોજાયા હતા. આ વિરોધ પ્રદર્શનોમાં 150 થી વધુ સંગઠનોએ ભાગ લીધો હતો, જેમાં નાગરિક અધિકાર સંગઠનો, મજૂર સંગઠનો, એલજીબીટીકયુ + વકીલો, ચૂંટણી કાર્યકરો, તેમજ ઘણા નિવૃત્ત સૈનિકોનો સમાવેશ થાય છે. અમેરિકામાં રિપબ્લિકન શાસનના શરૂઆતના અઠવાડિયામાં નિષ્ફળતાઓ પછી કરવામાં આવેલા આ વિરોધ પ્રદર્શનો સંપૂર્ણપણે શાંતિપૂર્ણ હતા અને આ રેલીઓમાં કોઈની ધરપકડ કરવામાં આવી હોવાની કોઈ માહિતી હજુ સુધી નથી.

ટ્રમ્પ અને મસ્ક વિરુદ્ધ હાથમાં પ્લે કાર્ડ લઈ જોરદાર સૂત્રોચ્ચાર

મિડટાઉન મેનહટનથી લઈને એન્કોરેજ, અલાસ્કા અને અનેક રાજ્યોની રાજધાનીઓ સુધીના યુએસ શહેરોમાં હજારો વિરોધીઓએ પ્લેકાર્ડ લઈને રેલીઓ કાઢી. આ બધી રેલીઓમાં, રાષ્ટ્રપતિ ડોનાલ્ડ ટ્રમ્પ અને ડોજના વડા ઈલોન મસ્કની ફેડરલ એજન્સીઓ, અર્થતંત્ર, ઇમિગ્રેશન અને માનવ અધિકારોમાંથી હજારો લોકોને કાઢી મૂકવાના મુદ્દા પર ભારે ટીકા કરવામાં આવી હતી.યુએસ વેસ્ટ કોસ્ટ પર સિએટલમાં પ્રખ્યાત સ્પેસ નીડલ નીચે હજારો વિરોધીઓ "ફાઇટ ફોર ઓલિગાર્કી" લખેલા પ્લેકાર્ડ લઈને ભેગા થયા હતા. અમેરિકાના પોર્ટલેન્ડ, ઓરેગોન અને લોસ એન્જલસમાં પણ હજારો વિરોધીઓ રસ્તા પર ઉતરી આવ્યા હતા અને ટ્રમ્પ સરકાર વિરુદ્ધ સૂત્રોચ્ચાર કર્યા હતા, જ્યાં તેમણે પર્સિંગ સ્ક્વેરથી સિટી હોલ સુધી રેલીઓ યોજી હતી.