ભાવનગર જિલ્લામાં આજે બુધવારે વરસાદની આગાહી વચ્ચે સવારે તળાજામાં અર્ધો ઇંચથી વધુ વરસાદ પડ્યો હતો.જિલ્લાને અન્ય નવ તાલુકાઓમાં બપોર સુધી  મેઘરાજાએ વિરામ પાળ્યો હતો.મહત્તમ તાપમાન વ ૩૪.૨ ડિગ્રી રહયું હતું.જ્યારે લઘુતમ તાપમાન ૨૫.૮ ડિગ્રી રહયું હતું. પાલિતાણાના શેત્રુંજી ડેમમાં હાલ પાણીની આવક ૧૧૧૨ ક્યુસેક શરૂ છે.ડેમની સપાટી  આજે બપોરે ૨૮.૪ ફૂટ રહી હતી.
હવામાન વિભાગ દ્વારા ભાવનગર જિલ્લામાં આજે બુધવારે  વરસાદની આગાહી કરવામાં આવી હતી. સવારે તળાજામાં અર્ધો ઇંચથી વધુ વરસાદ પડ્યો હતો..આથી ૧૬ મિમી. વરસાદ નોંધાયો હતો. જિલ્લાના અન્ય નવ તાલુકાઓમાં બપોર સુધી મેઘવિરામ રહયો હતો. ભાવનગર શહેરના લોકો સારા ધોધમાર વરસાદની રાહમાં છે.
પાલિતાણાના શેત્રુંજી ડેમમાં હાલ ૧૧૧૨ક્યુસેક  પાણીની આવક શરૂ છે. આમ છતાં, ડેમની સપાટી  આજે બપોરે ૨૮.૪ ફૂટ યથાવત રહી હતી. પાલિતાણાના શેત્રુંજી ડેમમાં પાણીની આવક સારા પ્રમાણમાં થતાં લોકો અને ખેડૂતો ખુશખુશાલ થયા છે.
ભાવનગર શહેરમાં  મહત્તમ તાપમાન વધીને ૩૪.૨ ડિગ્રી રહયું હતું.આથી બપોરે લોકોએ ગરમીનો અનુભવ કર્યો હતો.ભેજ વધુ રહેતા અસહય બફારો લોકોને રોજ તોબા પોકરાવી દે છે.દરરોજ વાદળો છવાય છે,સામાન્ય ઝાપટા પડે છે.ભાવનગર શહેરમાં લોકો સારા વરસાદની રાહમાં છે. શહેરનું મહત્તમ તાપમાન  ૩૪.૨ ડિગ્રી યથાવત રહયું હતુ. લઘુતમ તાપમાન ૨૫.૮ ડિગ્રી નોંધાયુ હતુ. આજે બુધવારે  સવારે ભેજ ૮૪ ટકા  રહયો હતો.જ્યારે પવનની ઝડપ આજે સવારે ૧૦ કિ.મી. રહી હતી. 
ભાદરવા માસના પ્રારંભમાં ગરમીનું જોર વઘ-ઘટ થયા કરે છે. પરંતુ ભેજ વધુ રહેતા બફારો વધ્યો છે.આથી લોકો ભારે ત્રસ્ત થયા છે. સપ્ટેમ્બર મહિનાના બીજા સપ્તાહમાં  લઘુત્તમ અને મહત્તમ તાપમાનમાં વઘ -ઘટ થયા કરે છે.