ભાવનગર જિલ્લામાં બે દિવસના વિરામ બાદ શ્રાવણ માસના અંતિમ સોમવારે સાંજના સુમારે મેઘસવારી આવી પહોંચતા મોડી રાત સુધીમાં ભાવનગર શહેર,ઘોઘા અને સિહોરમાં અર્ધો ઇંચ વરસાદ વરસ્યો હતો. જ્યારે ચાર તાલુકાઓમાં શ્રાવણી સરવડા વરસ્યા હતા.ત્રણ તાલુકામાં મેઘવિરામ રહયો હતો. શહેરમાં સીઝનનો કુલ વરસાદ ૨૦ ઈંચને પાર થયો છે.
ભાવનગર શહેરમાં બે દિવસના વિરામ બાદ સોમવારે સાંજે મેઘસવારી આવી પહોંચતા મોડી રાત સુધીમાં અર્ધો ઈંચ પાણી પીરસી દીધુ હતુ.ભાવનગરમાં આ સીઝન નો કુલ વરસાદ ૨૦ ઇંચને પાર થયો છે.ઘોઘા અને સિહોરમાં પણ મેઘરાજાએ મહેર કરતા અર્ધો ઈંચ પાણી વરસી ગયું હતું.વલભીપુરમાં પા ઇંચથી વધુ વરસાદ પડ્યો હતો.જ્યારે ગારિયાધાર,પાલીતાણા અને મહુવામાં શ્રાવણી સરવડા વરસ્યા હતા.જેસર,ઉમરાળા અને તળાજામાં મેઘરાજાએ વિરામ લીધો હતો.
સોમવારે સાંજથી મોડી રાત સુધીમાં ભાવનગરમાં ૧૩,વલભીપુરમાં ૯, સિહોરમાં ૧૨, ગારિયાધારમાં ૧૦,  મહુવામાં ૨,ગારિયાધારમાં ૪,પાલિતાણામાં ૪  મી.મી.  વરસાદ નોંધાયો હતો. આ વરસાદથી ભાવનગર જિલ્લામાં કુલ સરેરાશ વરસાદ ૫૩૮ મી.મી. થયો. છે.