આજકાલ લોકો પોતાના વાળને વધુ સુંદર બનાવવા માટે કેરાટિન ટ્રીટમેન્ટ કરાવતા હોય છે. ફ્રિઝી વાળથી છુટકારો મેળવવા, તેને વધુ ચમકદાર, સીધા અને સિલ્કી બનાવવા માટે મહિલાઓ દર 6 મહિને આ ટ્રીટમેન્ટ લે છે. તે અમુક અંશે ફાયદાકારક પણ છે પરંતુ વાળની ​​સુંદરતામાં વધારો કરતી આ ટ્રીટમેન્ટ શરીરના ઘણા ભાગો માટે નુકસાનકારક પણ હોઈ શકે છે. એક સંશોધન મુજબ કેરાટિન ટ્રીટમેન્ટ કિડનીને નુકસાન પહોંચાડી શકે છે.

કેરાટિન સારવાર કેટલી હાનિકારક છે?

અહેવાલમાં જણાવાયું છે કે કેરાટિન આધારિત હેર સ્ટ્રેટનિંગ પ્રોડક્ટ્સમાં ગ્લાયકોક્સીલિક એસિડ હોય છે, જે કિડનીમાં થતા નુકસાનને ઝડપથી વધારી શકે છે. સંશોધકોએ ઈઝરાયેલમાં આવા 26 દર્દીઓની ઓળખ કરી હતી જેમણે કેરાટિન આધારિત હેર સ્ટ્રેટનિંગનો ઉપયોગ તેમના વાળને સ્ટ્રેટ કરવા માટે કર્યો હતો. તે તમામને કિડનીમાં ગંભીર ઈજા થઈ હતી. આમાંથી 7 દર્દીઓની કિડનીની બાયોપ્સી કરવામાં આવી હતી. જેમાંથી 6માં ટ્રેટ્યુબ્યુલર કેલ્શિયમ ઓક્સાલેટ ડિપોઝિશન જોવા મળ્યું હતું અને એકને ટ્યુબ્યુલર કોશિકાઓમાં માઇક્રોકેલ્સિફિકેશન થયું હતું.

કેરોટીન સારવારની કિડની પર શું અસર થાય છે?

કેરાટિન આધારિત હેર સ્ટ્રેટનિંગ પ્રોડક્ટ્સમાં ફોર્માલ્ડિહાઇડ જોવા મળતું હતું. જેની વાળ, આંખો અને ત્વચા પર વિપરીત અસર થતી હતી. બાદમાં ફોર્માલ્ડીહાઈડને ગ્લાયકોલિક એસિડમાં રૂપાંતરિત કરવામાં આવ્યું. ત્યારે એવું લાગતું હતું કે તેના કેરાટિન ઉત્પાદનોના ઉપયોગથી કોઈ નુકસાન નહીં થાય. પરંતુ અહેવાલમાં તેના ગેરફાયદાનો પણ ઉલ્લેખ કરવામાં આવ્યો છે.