ગુજરાત માધ્યમિક અને ઉચ્ચત્તર માધ્યમિક બોર્ડનું ધોરણ 10નું પરિણામ આવતીકાલે સવારે 8 વાગ્યે જાહેર કરાશે. આ અંગે શિક્ષણ મંત્રી કુબેર ડિંડોર દ્વારા પોતાના X હેન્ડલ પર સત્તાવાર જાહેરાત કરી છે. વિદ્યાર્થીઓ બોર્ડની વેબસાઈટ અને જાહેર કરેલા વોટ્સએપ નંબર પરથી પોતાનું પરિણામ જાણી શકશે.

ફેબ્રુઆરી-માર્ચ ૨૦૨૫ માં યોજાયેલ ધોરણ-૧૦ અને સંસ્કૃત પ્રથમાની પરીક્ષાનું પરિણામ તા.૦૮/૦૫/૨૦૨૫ ના રોજ સવારે ૦૮.૦૦ કલાકે જાહેર કરવામાં આવશે.

?? વિદ્યાર્થીઓ તેઓનું પરિણામ બોર્ડની વેબસાઇટ https://t.co/cJTxCW4Jq8 પર પોતાનો બેઠક ક્રમાંક(Seat Number) Enter કરી મેળવી શકશે @CMOGuj

— Dr. Kuber Dindor (@kuberdindor) May 7, 2025

વિદ્યાર્થીઓ આ વોટ્સએપ નંબર પરથી પરિણામ જાણી શકશે

આવતીકાલે જાહેર થનારું ધોરણ 10નું પરિણામ વિદ્યાર્થીઓ બોર્ડની વેબસાઈટ gseb.org પર પોતાનો સીટ નંબર એન્ટર કરી મેળવી શકશે. આ ઉપરાંત વોટસએપના 6357300971 પર પોતાનો સીટ નંબર મેસેજ કરીને પણ પરિણામ મેળવી શકશે

ગત વર્ષ કરતા ત્રણ દિવસ વહેલું પરિણામ જાહેર થશે

નોંધનીય છે કે, 2024માં ધોરણ 10નું પરિણામ 11 મેના રોજ આવ્યું હતું. આ વર્ષે તેના કરતા ત્રણ દિવસ વહેલું પરિણામ જાહેર થશે.