ગુજરાત એટીએસ અને હરિયાણા એસટીએફના સંયુક્ત ઓપરેશનમાં હરિયાણાના ફરીદાબાદમાંથી એક  આતંકીની ધરપકડ કરવામાં આવી છે. ધરપકડ કરાયેલ આતંકી અબ્દુલ રહેમાન ઉત્તર પ્રદેશનો રહેવાસી હોવાનું સામે આવ્યું છે. હરિયાણા એસટીએફ દ્વારા આ મામલે ગુનો નોંધવામાં આવી રહ્યો છે, તેમજ અન્ય એક વ્યક્તિની પૂછપરછ પણ શરૂ કરવામાં આવી રહી છે. ધરપકડ કરાયેલા આતંકી પાસેથી બે હેન્ડગ્રેનેડ અને ઉર્દૂ લખાણવાળી કેટલીક વસ્તુઓ પણ મળી આવી છે, જેની તપાસ ચાલુ છે.

મોટી સંખ્યામાં પોલીસ દળ તૈનાત કરવામાં આવ્યું હતું
ગુજરાત એટીએસ ટીમ હરિયાણાના ફરીદાબાદના પાલી વિસ્તારમાં પહોંચી હતી, જ્યાં ટીમ એક ખાસ સંગઠન સાથે સંકળાયેલા યુવકની માહિતી પર પહોંચી હતી. એટીએસ ટીમે એક ઘરમાંથી બે હેન્ડગ્રેનેડ જપ્ત કર્યા છે. સૂત્રોના જણાવ્યા અનુસાર, ગઈકાલે સાંજે ગુજરાત એટીએસ અને ફરીદાબાદ પોલીસના વાહનો પાલી વિસ્તારમાં પહોંચ્યા હતા. આ સમય દરમિયાન મોટી સંખ્યામાં પોલીસ દળ તૈનાત કરવામાં આવ્યું હતું.

અબ્દુલ રહેમાન કોઈ આતંકવાદી સંગઠન સાથે સંકળાયેલો 
ગુજરાત એટીએસની ટીમે ગુજરાતના એક યુવકની ધરપકડ કરી હતી, જેની પૂછપરછ દરમિયાન ફરીદાબાદ માટે કેટલાક ઇનપુટ્સ મળ્યા હતા. આ પછી, ગુજરાત એટીએસ તેને અહીં લાવ્યું હતું. ધરપકડ કરાયેલા યુવકનું નામ અબ્દુલ રહેમાન હોવાનું જણાવવામાં આવી રહ્યું છે, જેની ઉંમર લગભગ 19 વર્ષ છે. ધરપકડ કરાયેલ વ્યક્તિનું નામ અબ્દુલ રહેમાન છે, જે ઉત્તર પ્રદેશના ફૈઝાબાદના મિલ્કીપુર ગામનો રહેવાસી હોવાનું જાણવા મળ્યું છે. એવી શંકા છે કે અબ્દુલ રહેમાન કોઈ આતંકવાદી સંગઠન સાથે સંકળાયેલો છે.

3 થી 4 કલાક સુધી તપાસ ચાલુ રાખી હતી
ગુજરાત એટીએસ ટીમે ફરીદાબાદના પાલી વિસ્તારમાં લગભગ 3 થી 4 કલાક સુધી તપાસ ચાલુ રાખી હતી. યુવકના નિર્દેશ પર, વિસ્તારની શોધખોળ દરમિયાન ટીમને સ્થળ પરથી બે હેન્ડગ્રેનેડ મળી આવ્યા હતા. યુવક ક્યાં સંગઠન સાથે સંકળાયેલો હતો અને એટીએસએ તેને ક્યાં કેસમાં પકડ્યો છે? સ્થાનિક પોલીસ દ્વારા આ અંગે કોઈ માહિતી આપવામાં આવી નથી.

પોલીસના કર્મચારીઓ પણ પાલી વિસ્તારમાં હાજર હતા
આ કેસમાં ગુજરાત એટીએસ સાથે ફરીદાબાદ પોલીસના કર્મચારીઓ પણ પાલી વિસ્તારમાં હાજર હતા. આ સમયગાળા દરમિયાન, કોઈપણ નાગરિકને તે વિસ્તારમાં પ્રવેશવાની કે બહાર નીકળવાની મંજૂરી નહોતી. જ્યારે ફરીદાબાદ પોલીસ પ્રવક્તા યશપાલ સિંહને આ બાબતની જાણ કરવામાં આવી તો તેમણે આ મામલે કંઈ પણ કહેવાનો ઇનકાર કર્યો હતો. ગુજરાત એટીએસ યુવકને પોતાની સાથે પાછો લઈ ગઈ હતી. આ ઉપરાંત યુવક દ્વારા આપવામાં આવેલી માહિતીના આધારે એટીએસ બંને હેન્ડગ્રેનેડ પણ પોતાની સાથે લઈ ગઈ હતી.