કોલ મી બે'ના સ્ક્રીનિંગમાં સુહાનાને અગસ્ત્ય નંદાએ પ્રોટેકટ કરી

સુહાના ખાન અને અગસ્ત્ય નંદા ઘણા સમયથી ડેટ કરી રહ્યા હોવાના અહેવાલો સામે આવી રહ્યા છે. પરંતુ હાલમાં જ આ સમાચારને મજબૂતી મળી જ્યારે બંને 'કોલ મી બે'ના સ્ક્રીનિંગમાં સાથે જોવા મળ્યા. એટલું જ નહીં, અગસ્ત્ય નંદા સુહાનાને ભીડથી બચાવતા પણ જોવા મળ્યા હતા. આનો એક વીડિયો સોશિયલ મીડિયા પર વાયરલ થઈ રહ્યો છે.કોલ મી બાની સ્ક્રીનિંગમાં બોલિવૂડના ઘણા મોટા સ્ટાર્સે હાજરી આપી હતી, પરંતુ બધાની નજર અગસ્ત્ય નંદા અને સુહાના ખાન પર હતી. બંને એકબીજા સાથે વાત કરતા અને હસતા જોવા મળ્યા હતા. પલક તિવારી, ઈબ્રાહિમ અલી ખાન, સારા અલી ખાન, કાર્તિક આર્યન અને કરણ જોહર પણ સ્ક્રીનિંગમાં હાજર હતા. અગસ્ત્ય નંદા એક જગ્યાએ સુહાનાને ભીડથી બચાવતા જોવા મળ્યા હતા.
'ધ આર્ચીઝ'થી બન્નેએ ડેબ્યૂ કર્યું
થોડા મહિના પહેલા જ અગસ્ત્ય અને સુહાના લંડનની એક નાઈટ ક્લબમાં જોવા મળ્યા હતા, જેણે તેમના કથિત રોમાંસના સમાચારને વધુ વેગ આપ્યો હતો. બંનેએ ઝોયા અખ્તરની ફિલ્મ 'ધ આર્ચીઝ'થી પોતાના અભિનયની શરૂઆત કરી હતી અને ત્યારથી તેમના કથિત અફેરના અહેવાલો સામે આવ્યા હતા. જો કે, અગસ્ત્ય કે સુહાનાએ આ સમાચાર પર ક્યારેય પ્રતિક્રિયા આપી નથી.હવે લેટેસ્ટ વીડિયો અને તસવીરો સામે આવ્યા બાદ ચર્ચા વધુ તેજ બની છે. વીડિયો જોયા બાદ યુઝર્સ તરફથી ઘણી પ્રતિક્રિયાઓ આવી રહી છે. એકે લખ્યું છે કે ઐશ્વર્યા સાથે જે થયું તે જોઈને લાગે છે કે સુહાનાએ બચ્ચન કે નંદા પરિવારમાં લગ્ન ન કરવા જોઈએ. બીજાએ લખ્યું છે કે, 'તેનાથી દૂર રહો.' તે જ સમયે, ચાહકોએ અગસ્ત્ય નંદાના આ હાવભાવની પ્રશંસા કરી.