મોટી સંખ્યામાં પરપ્રાંતિય કારીગરો જોડાયા

ખંભાળિયામાં દર વર્ષની જેમ આ વર્ષે પણ શ્રી શ્રી સાર્વજનિક મહાકાલી પૂજાના કાર્યક્રમનું ભવ્ય આયોજન કરવામાં આવ્યું હતું. વર્ષ 2008 થી શરૂ થયેલી મહાકાલી પૂજા આ વર્ષે 17 માં વર્ષમાં પ્રવેશી હતી. આ પ્રસંગે ગત તારીખ 31 થી મંગળવાર તારીખ 5 નવેમ્બર સુધી અત્રે વૈદફળી ખાતે મહાકાલી માતાજીના ગરબા તેમજ સ્તુતિના કાર્યક્રમો યોજાયા હતા. મંગળવારે અંતિમ દિવસે માતાજીના ગરબા તેમજ મહાઆરતીનું ભવ્ય આયોજન થયું હતું.

આ સાથે ગઈકાલે બુધવારે વિસર્જનનો કાર્યક્રમ યોજવામાં આવ્યો હતો. બંગાલી સર્નોશિલ્પી કારીગરોના સંચાલન હેઠળ મહાકાલી પૂજા કમિટીના સદસ્યોના આ આયોજનમાં મોટી સંખ્યામાં બંગાલી કારીગરો તેમજ મહાકાલી માતાજીના ભક્તો જોડાયા હતા.