ગુગલએ વર્ષ ૨૦૨૫ દરમિયાન મોબાઇલ વપરાશકર્તાઓની સુરક્ષા માટે મોટું પગલું ભર્યું છે. કંપનીએ જાહેર કર્યું છે કે તેણે લાખો ખતરનાક અને શંકાસ્પદ એપ્સને લોકોના ફોન સુધી પહોંચતા પહેલા જ રોકી દીધી છે.કંપનીના જણાવ્યા પ્રમાણે, ૨૦૨૫માં લગભગ ૨૫ કરોડથી વધુ ખતરનાક એપ સ્થાપનના પ્રયાસોને અટકાવવામાં આવ્યા. આ એપ્સ એવા હતા કે જે ફોનમાંથી વ્યક્તિગત માહિતી ચોરી શકે, બેંકિંગ માહિતી સુધી પહોંચ મેળવી શકે અથવા છુપાઈને નુકસાન પહોંચાડી શકે.

આ ઉપરાંત, લગભગ ૧૭ લાખથી વધુ એપ્સને વ્યવહારમાં મૂકાતા પહેલા જ બહાર કરી દેવામાં આવી.આ એપ્સ કંપનીના નિયમોનું પાલન કરતી નહોતી. લગભગ ૮૦ હજારથી વધુ ડમી ખાતાઓ પણ બંધ કરવામાં આવ્યા, કારણ કે તેઓ ખોટી અથવા જોખમભરી એપ્સ બનાવતા હતા.કંપનીએ વધુમાં જણાવ્યું કે હજારો એપ્સ વપરાશકર્તાની ખાનગી માહિતી સુધી બિનજરૂરી પહોંચ મેળવવાનો પ્રયાસ કરતી હતી. આવી એપ્સ સામે કડક કાર્યવાહી કરવામાં આવી છે જેથી લોકોની વ્યક્તિગત માહિતી સુરક્ષિત રહે.

આ બધું કરવા માટે કંપનીએ એઆઈની આધુનિક બુદ્ધિશાળી પ્રણાલીઓનો ઉપયોગ કર્યો, જે શંકાસ્પદ વર્તનને વહેલી તકે ઓળખી શકે છે. ફોનમાં રહેલી સુરક્ષા વ્યવસ્થા પણ વધુ મજબૂત બનાવવામાં આવી છે, જેથી ખતરનાક એપ આપોઆપ ઓળખાઈ અને અટકાવી શકાય.

સેન્સિટિવ ડેટા સુધી પહોચવું હવે આસાન નહી હોય

ગૂગલે 2,55,000 જેટલી એવી એપ્સને અટકાવી દીધી છે કે જે વપરાશકર્તાઓની ખૂબ જ નાજુક માહિતી (જેમ કે ફોન પર સંગ્રહિત ડેટા) સુધી પહોંચવાની કોશિશ કરતી. આ પ્રયાસોથી વપરાશકર્તાની પ્રાઇવસીને વધુ સુરક્ષા મળી છે.

આ બધાં નિયમો ને અમલમાં લાવવા માટે ગૂગલે આર્ટિફિશિયલ ઇન્ટેલિજન્સ ના આધારિત સાધનોનો ઉપયોગ કર્યો છે. આ સાધનો એવી એપ્સને ઓળખી શકે છે જેઓ પહેલા દેખાય એવું સામાન્ય હોય, પરંતુ અટકાવતા પહેલા જ જોખમ બતાવે છે.

ગૂગલે કરોડોમાં માપવામાં આવતી સ્પામ રેટિંગ અને ખોટી સમીક્ષાઓ લાઇક અને નકલી આધારે આપવાથી અટકાવી છે, જેથી વપરાશકર્તા સાચી માહિતી ને સમજવા સક્ષમ રહે.

વપરાશકર્તાઓને શું ફાયદો થશે

1.ખતરનાક એપ્સ તમારા ફોનમાં ઇન્સ્ટોલ થવાની નથી.

2.તમારા ખાનગી ડેટા અને પ્રાઇવસી વધારે સુરક્ષિત રહેશે.

3.ફ્રોડ અથવા છુપાવેલા ચાર્જ જેવા જોખમો સામે બચાવ થશે