ખેડૂતો માટે એક ખુશખબર સામે આવી છે. હવેથી ખેતીની જમીન વેચાણ અને ખેડૂત ખરાઈ પ્રમાણપત્ર મેળવવાની પ્રક્રિયા ઓનલાઇન અને સરળ બનશે. રાજ્ય સરકારે આ માટે એક નવો નિર્ણય લીધો છે.

ખેતીની જમીનના વેચાણ અને ખેડૂત ખરાઈ પ્રમાણપત્ર મેળવવાની પ્રક્રિયામાં મહત્વનો ફેરફાર કરવામાં આવ્યો છે. હવે આ સમગ્ર પ્રક્રિયા ઓનલાઇન કરવામાં આવી છે. રાજ્ય સરકારના નવા નિર્ણય મુજબ ખેતીની જમીન વેચાણના કિસ્સામાં હક્કપત્રકમાં વેચાણ નોંધ દાખલ કરતી વખતે વેચાણ લેનાર ખેડૂત ખાતેદાર પાસેથી ખેડૂત ખરાઈ પ્રમાણપત્રનો આગ્રહ રાખવામાં આવશે. જો કે, આ માટે તા. 06/04/1995 અગાઉનો રેકર્ડ ધ્યાને લેવાનો રહેશે નહીં.

ખેતીની જમીનના વેચાણના કિસ્સાઓ માટે તથા ઓનલાઈન પ્રક્રિયાના ભાગરૂપે ખેડુત ખરાઈના પ્રમાણપત્ર મેળવવા બાબતેની સમગ્ર પ્રક્રિયા રાજયમાં ઓનલાઈન કરાઈ છે, આવી વિવિધ પરવાનગીઓ મેળવવા માટે I-ORA પોર્ટલ ઉપર ઓનલાઈન કાર્યપધ્ધતી નક્કી થયેલ છે. 

જે મુજબ ખેતીની જમીનના વેચાણના કિસ્સામાં હક્કપત્રકમાં વેચાણ નોંધ દાખલ કરતી વખતે વેચાણ લેનાર ખેડુત ખાતેદાર પાસેથી ખેડુત ખરાઈ પ્રમાણપત્રનો આગ્રહ રાખવામાં આવે છે. ખેતીની જમીનની વેચાણ નોંધ પ્રમાણિત કરવા અંગેનો નિર્ણય કરતી વખતે ખેડુત ખરાઈની ચકાસણીમાં તા.૦૬/૦૪/૧૯૯૫ અગાઉનો રેકર્ડ ધ્યાને લેવાનો રહેશે નહિં. ખેતીની જમીનની હક્કપત્રકમાં વેચાણ નોંધ દાખલ કરતી વખતે ખેડુત ખાતેદારે ખેડુત ખાતેદાર હોવા બાબતનું સોગંદનામુ રજુ કરવાનું રહેશે. 

વેચાણ નોંધ પ્રમાણીત કરવા અંગેનો નિર્ણય કરતી વખતે સક્ષમ મહેસુલી સત્તાધિકારીએ ખેડુત ખરાઈ પ્રમાણપત્રનો આગ્રહ રાખવાનો રહેશે નહિ તેમજ ખેડુત હોવા અંગે ઉપલબ્ધ ઓનલાઈન રેકર્ડ ચકાસણી કરી “ખેડુત ખરાઈ કરી” તે અંગેનો શેરો કરવાનો રહેશે. આમ ખેતીની જમીનના વેચાણના મુદ્દે રેકર્ડની બીન ઉપલબ્ધતા તથા ખેડુત ખરાઇ પ્રમાણપત્ર મળવા અંગે અરજદારશ્રીઓને હાલાકીઓ ન થાય તે ધ્યાને લઈ વેચાણની નોંધ પ્રમાણીત કરતી વખતે ખેડુત ખાતેદાર ખરાઈ તા.૦૬/૦૪/૧૯૯૫ પહેલાનું રેકર્ડ ધ્યાને લેવાનું રહેશે નહીં, તેમ નિવાસી અધિક કલેકટર શ્રી એ. કે. ગૌતમની યાદીમા જણાવાયું છે.