સાઉદી અરેબિયાએ હજ યાત્રીઓની સુવિધા માટે મોટી જાહેરાત કરી છે. આ વખતે હજ દરમિયાન યાત્રાળુઓ તેમના દેશ દ્વારા જારી કરાયેલ એટીએમ કાર્ડનો ઉપયોગ કરી શકશે. કિંગડમની સેન્ટ્રલ બેંકે રવિવારે આની જાહેરાત કરી હતી. સેન્ટ્રલ બેંકે યાત્રાળુઓની માંગ અને વ્યવહારોની સુવિધા માટે ઘણી સેવાઓ શરૂ કરી છે.
સેન્ટ્રલ બેંકે કહ્યું કે હજ યાત્રીઓ સાઉદી અરેબિયામાં તેમના દેશ દ્વારા જારી કરાયેલ એટીએમ કાર્ડનો ઉપયોગ કરી શકે છે. બેંકે એ પણ સ્પષ્ટ કર્યું કે આ કાર્ડ આંતરરાષ્ટ્રીય ઉપયોગ માટે જ હોવું જોઈએ.
રિપોર્ટમાં એવું પણ કહેવામાં આવ્યું છે કે તીર્થયાત્રીઓ પેમેન્ટ માટે તેમના સ્થાનિક એટીએમ કાર્ડનો ઉપયોગ કરી શકશે. MADA દ્વારા પણ રોકડ ઉપાડી શકો છો. MADA એ સાઉદી અરેબિયાની રાષ્ટ્રીય ચુકવણી સિસ્ટમ છે. જે સેન્ટ્રલ બેંક દ્વારા શરૂ કરવામાં આવી હતી. આ પેમેન્ટ સિસ્ટમ દ્વારા આંતરરાષ્ટ્રીય વ્યવહારો કરી શકાય છે.
હજ યાત્રાળુઓ કયા કાર્ડનો ઉપયોગ કરી શકે છે?
વિઝા
માસ્ટરકાર્ડ
યુનિયન પે
ડિસ્કવર
અમેરિકન એક્સપ્રેસ
ગલ્ફ પેમેન્ટ કો. અક્ફ નેટવર્ક
મક્કા, જેદ્દાહ અને મદીનામાં રોકડના વધુ ઉપયોગને જોતા સેન્ટ્રલ બેંકે આ વિસ્તારોની બેંક શાખાઓમાં 5 અબજ સાઉદી રિયાલ બેંક નોટ અને સિક્કા મોકલ્યા છે. ભારતીય રૂપિયામાં આ કિંમત 1 લાખ કરોડ 11 અબજ 35 કરોડ 46 લાખ 63 હજાર 350 રૂપિયા છે.
હજ એ ઇસ્લામના પાંચ પવિત્ર સ્તંભોમાંથી એક છે. દરેક આર્થિક અને શારીરિક રીતે સક્ષમ મુસ્લિમ માટે જીવનમાં એકવાર હજ કરવી જરૂરી છે. આ વર્ષે હજ યાત્રા 14 જૂનથી શરૂ થઈ રહી છે અને 19 જૂન સુધી ચાલશે. દુનિયાભરમાંથી મુસ્લિમો હજ માટે સાઉદી અરેબિયાના મક્કા શહેરમાં આવી રહ્યા છે. આ વખતે સાઉદી અરેબિયાએ હજ યાત્રીઓ માટે નિયમો વધુ કડક બનાવ્યા છે. આ વર્ષે કોઈપણ હજયાત્રી પરમિટ વિના હજ માટે આવી શકશે નહીં અને જો કોઈ તેનું ઉલ્લંઘન કરશે તો તેને 2 લાખ 22 હજાર 651 રૂપિયાનો દંડ ફટકારવામાં આવશે તેમજ હજના નિયમોનો ભંગ કરનાર વિદેશી નાગરિકોને દેશનિકાલ કરવામાં આવશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationડીજીપી વિકાસ સહાય દ્વારા ત્રણ PIને ફરજિયાત નિવૃત્તિનો આદેશ...જાણી લો કારણ
July 04, 2024 11:53 PMઆસામમાં પૂરને કારણે અત્યાર સુધીમાં 56 લોકોના મોત, અરુણાચલમાં પણ 16 લાખથી વધુ અસરગ્રસ્ત
July 04, 2024 11:28 PMCopyright © 2023-2024 Aajkaal Daily
Developed by Rhythm Infotech