એલસીબીએ શહેરની મુખ્ય બજારમાં આવેલા કોમ્પ્લેક્ષની ગેલેરીમાં જુગાર રમી રહેલા ચાર શખ્સને રોકડ રૂ.૩૪,૯૦૦ના મુદ્દામાલ સાથે ઝડપી લીધા હતા.
એલ.સી.બીનો કાફલો  શહેર વિસ્તારમાં પેટ્રોલીંગમાં હતાં.તે દરમિયાન બાતમી મળેલ કે  મેઇન બજાર, વોરા શેરીમાં આવેલ શ્રીપાલ ચેમ્બર્સના પહેલા માળે ગેલેરીની બત્તીના  અંજવાળે જુગાર રમી રહેલા  આરીફ ઉસ્માનભાઇ ધોળીયા (ઉ.વ.૩૮ રહે.ફલેટ નંબર-૩૦૩,આફરીન ફલેટ,પ્રભુદાસ તળાવ ચોક, ભાવનગર), મુસ્તાક અબ્દુલભાઇ કુરેશી (ઉ.વ.૩૪ રહે.સીદ્દીના તકિયા પાસે, મદ્દેસાની બાજુમાં, વડવા નેરા, ભાવનગર), જોહેબ રહેમતુલ્લાભાઇ હવેજ (ઉ.વ.૩૮ રહે.ટેનામેન્ટ નં.૮,ફિરદૌસ ટેનામેન્ટ નુર પાન સામે, જમનાકુંડ ભાવનગર) અને  આશીફ દિલાવરભાઇ રાઠોડ (ઉ.વ.૩૫ રહે.બ્લોક નંબર-૦૪, જુના બરફના કારખાના પાસે, પારસી અગિયારી સામે, રાણીકા,ભાવનગર)ને ઝડપી લઈ   રૂ.૩૫,૦૦૦ મળી કુલ રૂ.૩૪,૯૦૦નો મુદ્દામાલ કબ્જે કર્યો હતો.
આ કામગીરીમાં  પોલીસ ઇન્સ. એ.આર.વાળાના  માર્ગદર્શન હેઠળ વનરાજભાઇ ખુમાણ, જયદિપસિંહ ગોહિલ, કેવલભાઇ સાંગા અને  એજાજખાન પઠાણસહિતના જોડાયા હતા.