બિહારમાંથી એક મોટા સમાચાર સામે આવી રહ્યા છે, જેમાં બિહાર સરકારના પૂર્વ મંત્રીના પિતાની હત્યા કરી દેવામાં આવી છે. હાલ આ હત્યાનું ચોક્કસ કારણ જાણી શકાયું નથી. પોલીસની ટીમે વધુ તપાસ હાથ ધરી છે. હત્યાનું ચોક્કસ કારણ જાણી શકાયું નથી
બિહારના દરભંગામાં વિકાસશીલ ઈન્સાન પાર્ટી (વીઆઈપી)ના વડા તેમજ રાજ્ય સરકારના પૂર્વ મંત્રી મુકેશ સાહનીના પિતા જીતન સાહનીની ઘાતકી હત્યા કરવામાં આવી છે. દરભંગાના એઅસએસપીએ આ હત્યાની પુષ્ટિ કરી છે. સૂત્રોમાંથી મળતી પ્રાથમિક માહિતી મુજબ હત્યા અંગત અદાવતના કારણે કરવામાં આવી છે, જો કે હજુ સુધી ચોક્કસ કારણ જાણી શકાયું નથી.
ઉલ્લેખનીય છે કે મુકેશ સાહની વીઆઈપી પાર્ટી ચૂંટણી પહેલા જ મહાગઠબંધનમાં સામેલ થઈ ગઈ હતી. લોકસભા ચૂંટણીને ધ્યાનમાં રાખીને આ ડીલ મૂળ તો મુકેશ સાહની અને આરજેડી વચ્ચે થઈ હતી. ચૂંટણી પહેલા મુકેશ સાહની અને તેજસ્વી યાદવનો એક વીડિયો વાયરલ થયો હતો. જેમાં બંને હેલિકોપ્ટરમાં માછલી ખાતા હતા. નવરાત્રિ દરમિયાન વીડિયો શેર કરવાને કારણે ભારે હોબાળો મચી ગયો હતો.