તાલિબાનના શાસનમાં વિદેશી આતંકવાદીઓને સંપૂર્ણ આઝાદી મળી રહી છે જેના કારણે તેઓ ઝડપથી વિકસી રહ્યા છે. સંયુક્ત રાષ્ટ્રના એક રિપોર્ટમાં આ માહિતી સામે આવી છે. અહેવાલમાં કહેવામાં આવ્યું છે કે તાજેતરના કોઈ સંકેતો નથી કે તાલિબાને યુદ્ધગ્રસ્ત દેશમાં વિદેશી આતંકવાદી લડવૈયાઓની પ્રવૃત્તિઓને મર્યાદિત કરવા માટે કોઈ પગલાં લીધાં હોય.

સંયુક્ત રાષ્ટ્રના વડાએ ચિંતા કરી વ્યક્ત 

યુએનના વડા એન્ટોનિયો ગુટેરેસના અહેવાલમાં સભ્ય દેશોની ચિંતા પણ વ્યક્ત કરવામાં આવી છે કે તાલિબાન શાસિત અફઘાનિસ્તાનમાં આતંકવાદી જૂથો તાજેતરના ઇતિહાસમાં કોઈપણ સમય કરતાં વધુ સ્વતંત્રતા ભોગવે છે. ખાસ કરીને ખતરનાક IS આતંકવાદી જૂથની તાકાત લગભગ બમણી થઈ ગઈ છે.

આઈએસ દ્વારા ઊભા થયેલા ખતરા અંગેના સેક્રેટરી-જનરલના 14મા રિપોર્ટ અનુસાર, તાલિબાન સૈન્ય અભિયાન બાદ અફઘાનિસ્તાનમાં સુરક્ષાની સ્થિતિ નાટકીય રીતે બદલાઈ ગઈ છે.

આફ્રિકાના સાહેલ પ્રદેશ વિશે ચિંતા

યુએનના આતંકવાદ વિરોધી વડાએ ગુરુવારે જણાવ્યું હતું કે પશ્ચિમ આફ્રિકા અને સાહેલમાં રાજકીય અસ્થિરતા વચ્ચે, ઇસ્લામિક સ્ટેટ ઉગ્રવાદી જૂથ વધતો ખતરો બની ગયો છે અને વિદેશમાં હુમલાઓ કરવા માંગે છે.