ચીનની સરકારે આર્થિક પ્રોત્સાહન પેકેજની જાહેરાત કરી છે, જેથી વિદેશી રોકાણકાર ચીનના શેર માર્કેટ તરફ વળ્યા છે. ચીનની કેન્દ્રીય બેંકે હોમ લોન મોર્ગેજ દરોને ઘટાડવાની જાહેરાત કરી છે, તેનાથી સોમવારે શેર માર્કેટમાં 8 % નો ઉછાળો થયો છે. વિદેશી રોકાણકારોના ચીન તરફ વળવાથી ભારત અને જાપાન સહિત વધુ પ્રમાણમાં એશિયાઈ માર્કેટમાં ઘટાડો જોવા મળ્યો છે. જાપાનમાં નિક્કીમાં 5 %નો ઘટાડો થયો છે. અન્ય માર્કેટોમાં શરૂઆતમાં ઘટાડો જોવા મળ્યો છે.
વિદેશી રોકાણકારોની વેચવાલી અને નફા વસૂલીના કારણે સોમવારે ભારતીય શેર માર્કેટ તૂટ્યુ હતું. આ ઘટાડાથી એક જ દિવસમાં રોકાણકારોના લગભગ 5 લાખ કરોડ રુપિયાનું ધોવાણ થયું હતું. સેન્સેક્સમાં જ્યાં 1200 અંકથી વધુનો ઘટાડો આવ્યો છે ત્યાં જ નિફ્ટી પણ 350થી વધુ અંક તૂટ્યું છે. માર્કેટ બંધ થાય ત્યાં સુધીમાં સેન્સેક્સ 1272 અંક ઘટીને 84.299 પર બંધ થયો. ત્યાં જ નિફ્ટી 1.41 % તૂટીને 25,810 અંક પર બંધ થઈ હતી. સૌથી વધુ ઘટાડો બેંકિંગ, ઓટો અને રિયલ્ટીની સાથે આઈટી સેક્ટરમાં જોવા મળ્યો. વિદેશી રોકાણકારોએ સોમવારે લગભગ 9800 કરોડ રુપિયાના શેર વેચ્યા, ત્યાં જ સ્થાનિક રોકાણકારોએ સોમવારે લગભગ 9800 કરોડ રુપિયાના શેર વેચ્યા, ત્યાં જ સ્થાનિક રોકાણકારોએ 6645 કરોડના શેર ખરીદ્યા.


આ કારણે થયો ઘટાડો
જિયોપોલિટિકલ ટેંશનના કારણે પણ માર્કેટમાં ઘટાડો આવ્યો. લેબનાનમાં ઈઝરાયલ તરફથી થયેલા હુમલાના કારણે આવેલી તેજીએ વૈશ્વિક શેર માર્કેટમાં અનિશ્વિતતાને વધારી દીધી છે. ક્રૂડ ઓઈલની વધતી કિંમતોએ માર્કેટની ધારણાને પ્રભાવિત કરી છે. અમેરિકી કેન્દ્રીય બેંક ફેડરલ રિઝર્વના અધ્યક્ષ જેરોમ પોવેલની આ સપ્તાહે સ્પીચ હશે. સાથે જ જોબ ડેટા પણ આવશે. જે આ વાતને પ્રભાવિત કરી શકે છે કે, ફેડરલ રિઝર્વ નંબરમાં વ્યાજ દરોમાં ફરી ઘટાડો કરે છે કે નહીં.