આઈપીએલ ની હરાજી પહેલા મોટી માહિતી સામે આવી રહી છે. વાસ્તવમાં, આઈપીએલ ની બ્રાન્ડ વેલ્યુમાં ઘટાડો થયો છે. પહેલા આઈપીએલની બ્રાન્ડ વેલ્યુ ૯૨,૫૦૦ કરોડ હતી, પરંતુ હવે તે ૧૧.૭ ટકા ઘટીને ૮૨,૭૦૦ કરોડ થઈ ગઈ છે. મીડિયા રિપોટર્સ અનુસાર, આઈપીએલને બ્રોડકાસ્ટિંગ રાઇડસથી ઘણો ફાયદો થયો, પરંતુ તેમ છતાં, બ્રાન્ડ વેલ્યુમાં ઘટાડો થયો છે. તે જ સમયે, મુંબઈ ઈન્ડિયન્સને આઈપીએલની સૌથી વધુ બ્રાન્ડ વેલ્યુ ધરાવતી ટીમ તરીકે પસદં કરવામાં આવી છે. આ લીગમાં સૌથી વધુ બ્રાન્ડ વેલ્યુ ધરાવતી ટીમ મુંબઈ ઈન્ડિયન્સ છે.
ડી એન પી એડવાઈઝરીના રિપોર્ટ અનુસાર, આઈપીએલના મીડિયા અધિકારોની સમીક્ષા બ્રાન્ડ વેલ્યુમાં ઘટાડો થવાનું એક મુખ્ય કારણ છે. આ રિપોર્ટમાં કહેવામાં આવ્યું છે કે હવે આઈપીએલ મીડિયા અધિકારોમાં અલગ અભિગમ અપનાવવામાં આવશે. આ સિવાય નેટવર્ક–૧૮ અને ડિઝની પ્લસ હોટસ્ટારનું મર્જર આડે આવી રહ્યું છે. જો આ અહેવાલો પર વિશ્વાસ કરવામાં આવે તો મુંબઈ ઈન્ડિયન્સ સૌથી વધુ બ્રાન્ડ વેલ્યુ ધરાવતી ટીમ છે. મુંબઈ ઈન્ડિયન્સ પછી ચેન્નાઈ સુપર કિંગ્સ પાસે બ્રાન્ડ વેલ્યુ છે. આ યાદીમાં કોલકાતા નાઈટ રાઈડર્સ ત્રીજા સ્થાને છે.અન્ય આઈપીએલ ટીમોની વાત કરીએ તો, રોયલ ચેલેન્જર્સ બેંગ્લોર સૌથી વધુ બ્રાન્ડ વેલ્યુ ધરાવતી ટીમોની યાદીમાં ચોથા સ્થાને છે. આ પછી અનુક્રમે દિલ્હી કેપિટલ્સ, ગુજરાત ટાઇટન્સ, સનરાઇઝર્સ હૈદરાબાદ, લખનૌ સુપર જાયન્ટસ, રાજસ્થાન રોયલ્સ અને પંજાબ કિંગ્સ છે. શ્રેયસ અય્યરની કેપ્ટન્સીમાં કોલકાતા નાઈટ રાઈડર્સે સનરાઈઝર્સ હૈદરાબાદને હરાવીને ત્રીજી વખત આઈપીએલનો ખિતાબ જીત્યો હતો. અત્યાર સુધી મુંબઈ ઈન્ડિયન્સ અને ચેન્નાઈ સુપર કિંગ્સ સૌથી વધુ વખત આઈપીએલનો ખિતાબ જીતી ચૂકયા છે. આ બંને ટીમોએ ૫–૫ વખત ટ્રોફી જીતી છે.