શનિવારે બપોરે ફ્લોરિડાના જેક્સનવિલેમાં એક ડોલર જનરલ સ્ટોરમાં સામૂહિક ગોળીબારમાં ત્રણ લોકો માર્યા ગયા હતા. તે જ સમયે શંકાસ્પદ હુમલાખોરે પણ આત્મહત્યા કરી લીધાના સમાચાર સામે આવ્યા હતા. પોલીસના જણાવ્યા અનુસાર હુમલો વંશીય પ્રેરિત હતો. 

સ્થાનીક મીડિયાના જણાવ્યા પ્રમાણે જેક્સનવિલે શેરિફ ટીકે વોટર્સે જણાવ્યું હતું કે, શંકાસ્પદ જેને અંદાજે 20 વર્ષનો શ્વેત વ્યક્તિ બતાવવામાં આવે છે. બપોરે 1 વાગ્યા પછી એક વ્યક્તિ ડૉલર સ્ટોરમાં ઘૂસી ગયો અને ગોળીબાર કર્યો. જેમાં ત્રણ લોકોના મોત થયા હતા. તમામ મૃતકો બ્લેક હતા.

વોટર્સે કહ્યું કે તેણે લોકોના એક જૂથને નિશાન બનાવ્યું છે અને તે કાળા લોકો છે. વોટર્સ જણાવે છે કે શંકાસ્પદ વ્યક્તિનું મૃત્યુ પોતાને બંદૂકની ગોળી મારવાથી થયું હતું. હાલ આરોપીના નામનો ખુલાસો કરવામાં આવ્યો નથી. ફાયરિંગમાં અન્ય કોઈને ઈજા થઈ નથી. મૃતકોમાં બે પુરૂષ અને એક મહિલાનો સમાવેશ થાય છે. તેઓએ કહ્યું કે શંકાસ્પદ હુમલાખોરે વેસ્ટ અને માસ્ક પહેર્યો હતો અને તે ગ્લોક અને એઆર-15-સ્ટાઈલ રાઇફલથી સજ્જ હતો. બંદૂક પર સ્વસ્તિક પણ બનાવવામાં આવે છે.