@aajkaalteam 

તમે ઘણા ધોધ જોયા હશે, પરંતુ શું તમે ક્યારેય ધોધમાંથી પાણીને બદલે આગ વરસતી જોઈ છે. કદાચ ના. પરંતુ તમે અમેરિકાના યોસેમિટી નેશનલ પાર્કમાં આ દુર્લભ નજારો જોવા મળે છે. તમે વિચારતા હશો કે ધોધમાંથી આગ કેવી રીતે વરસી શકે છે. પરંતુ વાસ્તવમાં, જ્યારે આ દુર્લભ કુદરતી દૃશ્ય બને છે, ત્યારે તે અગ્નિનો ધોધ બની જાય છે.

મળતી માહિતી અનુસાર કેલિફોર્નિયાના યોસેમિટી નેશનલ પાર્કમાં એક નાનો ધોધ છે, જેનું નામ હોર્સટેલ ફોલ્સ છે. સૂર્યનો પ્રકાશ પાણી પર બેકલાઇટ તરીકે કામ કરે છે. આના કારણે, પાણી થોડા સમય માટે તેજસ્વી કેસરી રંગનું થઈ જાય છે અને એવું લાગે છે કે પાણીને બદલે, પથ્થરમાંથી જ્વાળાઓ વહી રહી છે. આ નજારો વર્ષમાં એકવાર દેખાય છે અને તે પણ માત્ર થોડી મિનિટો માટે. આ દિવસોમાં જ્યારે આ નજારો દેખાઈ રહ્યો છે ત્યારે હજારો લોકો તેનો અનુભવ કરવા પહોંચી ગયા છે.

કેલિફોર્નિયામાં તે એટલું લોકપ્રિય બની ગયું છે કે પાર્કના અધિકારીઓને લોકોને સંભાળવામાં ઘણી મુશ્કેલીનો સામનો કરવો પડી રહ્યો છે. પ્રેક્ષકોને તે આશ્ચર્યજનક લાગે છે. વિશ્વભરના પ્રોફેશનલ અને કલાપ્રેમી ફોટોગ્રાફરો તેને તેમના કેમેરામાં કેદ કરવા માટે પહોંચી રહ્યા છે. યોસેમિટી નેશનલ પાર્કના પબ્લિક અફેર્સ ઓફિસર સ્કોટ ગેડીમેને જણાવ્યું હતું કે, જ્યારે સૂર્ય બરાબર 90 ડિગ્રી પર હોય છે ત્યારે તે અદ્ભુત નજારો હોય છે. તે એક જાદુઈ ક્ષણ છે. આ ઘટના થોડી મિનિટો સુધી ચાલે છે અને ઘણા વર્ષો પછી ગુરુવારે આ દ્રશ્ય જોવા મળ્યું હતું. આ ધોધમાં પાણી 2,130 ફૂટ નીચે આવે છે. તે ફક્ત શિયાળામાં જ વહે છે જ્યારે પૂરતો બરફ પડ્યો હોય અને તાપમાન ઓગળી શકે તેટલું ગરમ ​​હોય. બાકીના દિવસોમાં તે શુષ્ક રહે છે.