ભાવનગર વેળાવદર ભાલ પોલીસ મથકની ટીમ અધેળાઈ ચેકપોસ્ટ પાસે પેટ્રોલિંગ દરમિયાન વાહન ચેકીંગ કરી રહ્યા હતા. તે વેળાએ ત્યાંથી પસાર થતી મારુતિ સીફ્ટ ડિઝાયર કારને ઉભી રાખી તલાસી લેતા તેમાંથી વિદેશી દારૂની ૧૧ બોટલો મળી આવી હતી. જેમાં બેસેલા પાંચ શખ્સોને વિદેશી દારૂ અને મોબાઈલ તેમજ કાર સહીત રૂપિયા ૪ લાખના મુદ્દામાલ સાથે પોલીસે ઝડપી લીધા હતા.

આ બનાવ અંગે વેળાવદર ભાલ પોલીસ મથક ખાતેથી મળતી માહિતી અનુસાર વેળાવદર ભાલ પોલીસ મથકની ટીમ અધેળાઈ ચેકપોસ્ટ પાસે પેટ્રોલિંગમાં હતા. તે દરમિયાન રાત્રીના વાહન ચેકીંગ હાથ ધરાયું હતું. ત્યારે ત્યાંથી પસાર થતી સીફ્ટ ડિઝાયર કાર નંબર જીજે ૦૪ ડીએ ૩૧૭૧ ને ઉભી રાખી અને તલાસી હાથ ધરી હતી. જે કારની ડીકીમાં રહેલા થેલામાંથી વિદેશી દારૂની બોટલો મળી આવી હતી. જે કારમાં બેસેલા ઉતમસિંહ મનુભાઈ મકવાણા, હિમતભાઈ બાલાભાઇ નાવડીયા, વીનયભાઈ વીઠલભાઈ કટારીયા, બીપીનભાઈ પોપટભાઈ ડાભી, મનીશભાઈ મોહનભાઇ ડાભીને વગર પાસ પરમીટે વિદેશી દારૂની સીલપેક બોટલ નંગ-૧૧ જેની કિંમત રૂપિયા ૩૯,૧૪૨ તથા મોબાઇલ ફોન નંગ-૦૬ ની કિ.રૂ.૬૩,૦૦૦ તેમજ ફોરવ્હીલ મારૂતી સુઝુકી સ્વીફ્ટ ડીઝાયર જેની કિ.રૂ.૩,૦૦,૦૦૦ મળી કુલ કિંમત રૂપિયા ૪,૦૨,૧૪૨ ના મુદ્દામાલ સાથે ઝડપી લઇ વેળાવદર ભાલ પોલીસે તમામ વિરુદ્ધ પ્રોહીબીશન કલમ હેઠળ ગુનો.દાખલ કરી ધોરણસરની કાર્યવાહી હાથ ધરી હતી.