જામજોધપુર તાલુકાના મોટી ગોપ ગામે વાડીના શેઢે લાઈટના અંજવાળે જુગાર રમતા પાંચ શખ્સોને એલસીબીએ ઝડપી પાડી રોકડ અને બે બાઈક મળી કુલ રૂ.86,500ની મત્તા કબજે કરી કાર્યવાહી કરી હતી. એલસીબીની ટિમ જામજોધપુર પંથકમાં પેટ્રોલીંગમાં હતી ત્યારે ચોક્કસ બાતમી મળી હતી કે, મોટી ગોપ ગામની સીમમાં ડાયાભાઇ કારેણાની વાડીના શેઢે લાઈટના અંજવાળે કેટલાક શખસો તીનપતીનો જુગાર રમી પૈસાની હારજીત કરી રહ્યા છે જે બાતમીના આધારે દરોડો પાડી ભાવેશ લક્ષમણભાઈ નંદાણીયા, રજની નાથાભાઈ કારેણા, ડાયા દેવશીભાઈ કારેણા, મનસુખ પુંજાભાઈ વાઢીયા, સામત કરશનભાઇ વાઢીયા (તમામ રહે મોટી ગોપ)ને ઝડપી પાડી રોકડ 31,500 અને બે મોટર સાઇકલ મળી કુલ રૂ. 86,500નો મુદામાલ સાથે ઝડપી પાડી ગુનો નોંધ્યો હતો.