​​​​​​​ચંદીગઢ કોર્ટ કોમ્પ્લેક્સમાં ફાયરિંગની ઘટના સામે આવી છે. લગ્નના વિવાદને લઈને બે પક્ષો ફેમિલી કોર્ટમાં આવ્યા હતા. આ દરમિયાન પંજાબ પોલીસના પૂર્વ એઆઈજી માલવિંદર સિંહ સિદ્ધુએ તેમના જમાઈ પર ગોળીબાર કર્યો, જેના કારણે તેમનું મોત થઈ ગયું હતું. મૃતક જમાઈ કૃષિ વિભાગમાં આઈઆરએસ હતા.

બંને પક્ષો વચ્ચે બોલાચાલી ચાલી રહી હતી ત્યારે આરોપીએ બાથરૂમ જવાનું કહેતા જમાઈએ કહ્યું કે હું રસ્તો બતાવું અને બંને રૂમની બહાર નીકળી ગયા.

આ દરમિયાન આરોપીએ તેની બંદૂકમાંથી પાંચ ગોળી ચલાવી. જેમાંથી બે ગોળી યુવાનને વાગી હતી. એક ગોળી અંદરના રૂમના દરવાજા પર વાગી હતી. બે ફાયર ખાલી ગયા. ગોળીનો અવાજ આવતા જ કોર્ટમાં હંગામો મચી ગયો હતો. ઘટનાસ્થળે પહોંચેલા વકીલોએ આરોપીને પકડીને રૂમમાં બંધ કરી દીધો અને પોલીસને જાણ કરી.

આ પછી ઘાયલને સેક્ટર 16ની હોસ્પિટલમાં લઈ જવામાં આવ્યો પરંતુ રસ્તામાં જ તેનું મોત થઈ ગયું. માહિતી મળતા જ પોલીસ ઘટનાસ્થળે પહોંચી ગઈ હતી અને રૂમમાં બંધ આરોપીની અટકાયત કરી પોલીસ સ્ટેશન લઈ ગઈ હતી.