૩૮ જગ્યાઓ ભરવા માટે ૯૩૬ ઉમેદવારો આવ્યા: ઉમેદવારોનું શારિરિક પરીક્ષણ કરાયું

જામનગર મહાનગરપાલિકાની ફાયર શાખામાં ફાયરમેનની ભરતી કરવા માટેનું આયોજન કરવામાં આવ્યું છે, અને નવી ૩૮ જગ્યાઓ ભરવા માટે ૯૩૬ ઉમેદવારોના ઇન્ટરવ્યૂ લઈ શારીરિક ચકાસણી કરવામાં આવી રહી છે.

જામનગરના સ્પોર્ટસ સંકુલમાં આજે ફાયરમેનની ભરતી ની પ્રક્રિયાઓ શરૂ કરાઈ હતી, અને ૩૮ જગ્યાઓ ભરવા માટે કુલ આવેલા ૯૩૬ ફોર્મ પૈકી આજે પ્રથમ દિવસે ૧૩૦ ઉમેદવારોને ઇન્ટરવ્યૂ માટે બોલાવવામાં આવ્યા છે, અને તેઓની સ્વિમિંગ સહિતની શારીરિક પરીક્ષાઓ લેવામાં આવી રહી છે. સતત સાત દિવસ સુધી આ ભરતી ની પ્રક્રિયા ચાલશે, જેની ટેસ્ટ લેવાયા પછી આખરે ૩૮ ફાયરમેનની ભરતી કરવામાં આવશે.