શહેરના જુના બંદરરોડ પર આવેલા ટ્રાન્સપોર્ટ હસ્તકના સિમેન્ટના ગોડાઉનમાં આગ ભભૂકી ઉઠતા અગ્નિશામક દળે દોડી જઈ ત્રણ ગાડી પાણીનો છાંટી આગ પર કાબુ મેળવ્યો હતો. આગમાં ટ્રાન્સપોર્ટની ઓફિસ તેમજ બે ટેમ્પો અને એક બોલેરોને ભારે નુકશાન થયાનું જાણવા મળ્યું હતું.
શહેરના જુનાબંદર રોડ પર ડાયા પોચાના ખાંચામાં જોરસંગભાઈ જગાભાઈ પરમારની માલિકીના જયભાવની ટ્રાન્સપોર્ટ હસ્તકના સિમેન્ટના ગોડાઉનમાં આગ ભભૂકી ઉઠી હતી. 
આગની જાણ થતા અગ્નિશામક દળ દોડી ગયું હતું. અને ત્રણ ગાડી પાણી છાંટી કલાકોની જહેમત બાદ આગ પર કાબુ મેળવ્યો હતો. ટ્રાન્સપોર્ટની ઓફિસ તેમજ ટેમ્પો નંબર જી. જે. ૦૪વાય ૪૦૬૨, ટેમ્પો નંબર જી. જે. ૦૧બી. ટી. ૪૧૨૨ તેમજ બોલેરો નંબર જી. જે. ૦૪એ ડબ્લ્યુ ૮૩૮૪ આગની લપેટમાં આવી જતાં ભારે નુકશાન થયું હતું. મધરાત બાદ લાગેલી આગનું કારણ તેમજ નુકશાનીનો સાચો આંક પ્રાપ્ત થયો ન હતો.