જેની ઘણા સમયથી રાહ જોવાતી હતી તે મહારાજા કૃષ્ણકુમારસિંહજી ભાવનગર માર્કેટિંગ યાર્ડના પ્રમુખ અને ઉપપ્રમુખની ચૂંટણીનું આખરે મુર્હૂત આવ્યુ છે.આગામી ૭ માર્ચે આ ચૂંટણી યોજાશે.

  મહારાજા કૃષ્ણકુમારસિંહજી ભાવનગર માર્કેટિંગ યાર્ડની ચૂંટણી યોજાયાને ખાસ્સો સમય વિતી ગયો છે.આ ચૂંટણીમાં ભાજપને બહુમતી મળી હોવા છતાં હજુ સુધી યાર્ડના પ્રમુખ ચૂંટણી યોજાઈ ન હતી.આખરે હવે આ ચૂંટણીનું મુર્હૂત આવ્યુ છે.આજે આ ચૂંટણીની તારીખની જાહેરાત કરવામાં આવી છે.

  પ્રમુખ અને ઉપપ્રમુખની ચૂંટણી આગામી ૭ માર્ચે રાજકોટ જિલ્લા રજિસ્ટ્રાર કપુરિયાની નિગરાનીમા યોજાશે.યાર્ડમાં કુલ ૧૭ ડાયરેક્ટર છે.જેમાં ભાજપના ૯ ,કોંગ્રેસના ૫ અને ૩ સરકારી અધિકારીઓનો સમાવેશ થાય છે.પ્રમુખ અને ઉપપ્રમુખ બનવા માટે ભાજપના ડાયરેક્ટરોમાં થનગનાટ જોવા મળે છે.હવે કોણ પ્રમુખ અને ઉપપ્રમુખ બને છે તે માટે ૭મી માર્ચની રાહ જોવી રહી.