મધ્ય પૂર્વમાં વધી રહેલા તણાવ વચ્ચે હવે અમેરિકા ખુલ્લેઆમ ઈઝરાયેલના સમર્થનમાં આવ્યું છે. અમેરિકાએ ઈઝરાયેલને 20 અબજ ડોલરના શસ્ત્રોના વેચાણને મંજૂરી આપી છે.

હમાસ અને ઈઝરાયેલ વચ્ચે ચાલી રહેલા યુદ્ધ વચ્ચે ઈરાને મધ્ય પૂર્વમાં તણાવ વધારી દીધો છે. ઈરાન તરફથી મોટા હુમલાની આશંકા વચ્ચે, યુએસ પ્રમુખ જો બિડેને બુધવારે (14 ઓગસ્ટ) ઈઝરાયેલને $20 બિલિયનથી વધુના મોટા હથિયારોના વેચાણને મંજૂરી આપી હતી. જેમાં નવા F-15 ફાઈટર જેટ અને હજારો ટેન્ક અને મોર્ટાર શેલનો સમાવેશ થાય છે. આ ડીલ એવા સમયે થઈ છે જ્યારે બિડેને ઈઝરાયેલ અને હમાસ પર 10 મહિનાના યુદ્ધ બાદ યુદ્ધવિરામ માટે દબાણ કર્યું હતું.

ન્યૂયોર્ક પોસ્ટના રિપોર્ટ અનુસાર આ હથિયારો ઈઝરાયેલ સુધી પહોંચતા ઘણા વર્ષો લાગશે. જે અંતર્ગત મોટી સંખ્યામાં ફાઈટર પ્લેન, હવાથી હવામાં પ્રહાર કરતી મિસાઈલ, ટેન્ક દારૂગોળો અને અન્ય લડાયક શસ્ત્રો ઈઝરાયેલ મોકલવામાં આવશે, કારણ કે મધ્ય પૂર્વમાં સંઘર્ષની શક્યતા વધી રહી છે.