ભાવનગર માર્કેટિંગ યાર્ડમાં આજે શુક્રવારે સવારે કપાસની હરરાજી મોડી શરૂ થતા ખેડૂતોએ હોબાળો મચાવ્યો હતો.કપાસની હરરાજી ખેડૂતોએ શરૂ થવા ન દીધી.આથી હોબાળાને લઈને યાર્ડના ચેરમેન પણ ખેડૂતો પાસે દોડી આવ્યા હતા.ખેડૂતોને આવતીકાલથી હરરાજી સમયસર શરૂ થવા માટે હૈયાધારણા આપી યાર્ડના ચેરમેને ખેડુતોને સમજાવી હરરાજી ફરી શરૂ કરાવવામાં આવી હતી.નોંધનીય છે કે દિવાળીના તહેવારો નજીક છે ત્યારે ખેડૂતોને પોતાના પાકના નાણા જલ્દી હાથમાં આવે તો પરિવાર માટે અન્ય વસ્તુઓ ખરીદવાની ઉતાવળ હોય છે.હરરાજી શરૂ ન થતા ખેડૂતોનો સમય વેડફાય છે તે તહેવારો નજીક છે ત્યારે પોસાય તેમ નથી.