માથું ફૂટ્યું: બે સામે ફરિયાદ

જામનગર જિલ્લાના કાલાવડ તાલુકાના રણુજા ગામમાં પાણીના નિકાલ માટેનું નાલું સાફ કરવા બાબતે તકરાર થયા પછી એક ખેડૂત બુઝુર્ગ પર પથ્થર વડે હુમલો કરી માથામાં ઇજા પહોંચાડતાં પાંચ ટાંકા લેવા પડ્યા છે. જે મામલે બે શખ્સો સામે ફરિયાદ નોંધાવાઈ છે.

કાલાવડ તાલુકાના રણુજા ગામમાં રહેતા અને ખેતી કામ કરતા મોહનભાઈ નાનજીભાઈ ભંડેરી નામના ૭૦ વર્ષના ખેડૂત બુઝુર્ગે પોતાના માથામાં પથ્થર વડે હુમલો કરી ઇજા પહોંચાડવા અંગે જીવરાજ ઉર્ફે બાબુભાઈ કરમશીભાઈ સખીયા, અને ધર્મેશ જીવરાજભાઈ ઉર્ફે બાબુભાઈ કરમશીભાઈ સખીયા સામે ફરિયાદ નોંધાવી છે. જયારે તેને માથામાં ઇજા થવાથી જામનગરની સરકારી જી.જી. હોસ્પિટલમાં સારવાર લેવી પડી છે, અને માથામાં પાંચ ટાંકા આવ્યા છે.

ફરિયાદી પાણીનુંનાલૂ સાફ કરી રહ્યા હતા, જે દરમિયાન બંને આરોપીઓએ આ હુમલો કર્યાનું પોલીસમાં જાહેર થયું છે.