દિલ્હી પોલીસે રવિવારે મોડી સાંજે જંતર-મંતર પર બનેલી ઘટનાના સંબંધમાં FIR નોંધી છે. માહિતી અનુસાર, દિલ્હી પોલીસે પ્રદર્શનના આયોજકો અને અન્ય લોકો સામે કેસ નોંધ્યો છે. રેસલર વિનેશ ફોગાટ અને સાક્ષી મલિકે આ FIR પર પ્રતિક્રિયા આપી છે. તેમણે સરકાર પર તાનાશાહીનો આરોપ લગાવ્યો છે.

દિલ્હી પોલીસે રવિવારે મોડી સાંજે જંતર-મંતર પર બનેલી ઘટનાના સંબંધમાં FIR નોંધી છે. પ્રાપ્ત માહિતી અનુસાર, દિલ્હી પોલીસે કુસ્તીબાજ સાક્ષી મલિક, વિનેશ ફોગાટ અને બજરંગ પુનિયા તેમજ વિરોધ પ્રદર્શનના આયોજકો અને અન્ય લોકો વિરુદ્ધ કેસ નોંધ્યો છે.

આ તમામ સામે IPC કલમ- 147, 149, 186, 188, 332, 353, PDPP એક્ટની કલમ 3 હેઠળ કેસ નોંધવામાં આવ્યો છે. તમને જણાવી દઈએ કે રવિવારે સંસદ ભવનનાં ઉદ્ઘાટન દરમિયાન કુસ્તીબાજોએ મહિલા મહાપંચાયતની જાહેરાત કરી હતી. રવિવારે જ્યારે કુસ્તીબાજો માર્ચ કરી રહ્યા હતા ત્યારે આ દરમિયાન પોલીસે કડક કાર્યવાહી કરી હતી, તેમજ વિરોધના સ્થળેથી કુસ્તીબાજોના ટેન્ટ વગેરે હટાવી દીધા હતા.

બજરંગ-સાક્ષી અને વિનેશ તેમજ આયોજકો વિરુદ્ધ FIR
પ્રાપ્ત માહિતી અનુસાર, બજરંગ પુનિયા, સાક્ષી મલિક અને વિનેશ ફોગાટ વિરુદ્ધ પણ કેસ નોંધવામાં આવ્યો છે. આ સિવાય કુસ્તીબાજોના પ્રદર્શનના આયોજકો સામે પણ કેસ નોંધવામાં આવ્યો છે. દિલ્હી પોલીસનું કહેવું છે કે કુસ્તીબાજો રાત્રે પણ પ્રોટેસ્ટના સ્થળે આવ્યા હતા. લગભગ 7-8 લોકો હતા, તેમને પાછા મોકલી દેવામાં આવ્યા છે. હવે વિરોધ કરવાની પરવાનગી આપવામાં આવી નથી.

વિનેશ ફોગાટે ટ્વીટ કર્યું
FIR નોંધવાને લઈને રેસલર વિનેશ ફોગાટની પ્રતિક્રિયા સામે આવી છે. તેમણે ટ્વીટ કર્યું કે, 'દિલ્હી પોલીસને બ્રિજ ભૂષણ વિરુદ્ધ એફઆઈઆર નોંધવામાં 7 દિવસનો સમય લાગે છે જેણે અમારી સાથે યૌન શોષણ કર્યું હતું અને શાંતિપૂર્ણ આંદોલન કરવા બદલ અમારી વિરુદ્ધ એફઆઈઆર નોંધવામાં 7 કલાક પણ લીધા નથી. શું આ દેશમાં સરમુખત્યારશાહી શરૂ થઈ છે? સરકાર તેના ખેલાડીઓ સાથે કેવો વ્યવહાર કરી રહી છે તેના પર સમગ્ર વિશ્વની નજર છે. નવો ઈતિહાસ લખાઈ રહ્યો છે.

दिल्ली पुलिस को यौन शोषण करने वाले बृज भूषण के ख़िलाफ़ FIR दर्ज करने में 7 दिन लगते हैं और शांतिपूर्ण आंदोलन करने पर हमारे ख़िलाफ़ FIR दर्ज करने में 7 घंटे भी नहीं लगाए। क्या इस देश में तानाशाही शुरू हो गई है ? सारी दुनिया देख रही है सरकार अपने खिलाड़ियों के साथ कैसा बर्ताव कर…

— Vinesh Phogat (@Phogat_Vinesh) May 28, 2023