દેવભૂમિ દ્વારકા જિલ્લામાં ગઈકાલે આરોગ્ય વિભાગ દ્વારા કરવામાં આવેલા કોરોનાના ટેસ્ટ દરમિયાન નવો એક પોઝિટિવ દર્દી નોંધાયો છે. આરોગ્ય વિભાગ દ્વારા જારી કરવામાં આવેલી વિગત મુજબ સોમવારે જિલ્લાના તમામ ચાર તાલુકાઓમાં કરવામાં આવેલા કુલ 229 કોવિડ ટેસ્ટ પૈકી ખંભાળિયા તાલુકાના મોવાણ ગામે એક મહિલા દર્દીને કોરોના પોઝિટિવ હોવાનું જાહેર થયું છે. વર્ષ 2023 ના આ ચાર મહિના દરમિયાન કુલ છ નવા પોઝિટિવ કેસ નોંધાયા છે. હાલ કોવિડ પોઝિટિવ દર્દીને હોમ આઈસોલેશનમાં રાખવામાં આવ્યા છે. જિલ્લામાં કોવિડ પોઝિટિવ રેટ 0.44 ટકા છે.