બાતમી આધારે એલસીબી ત્રાટકી : ૧૪ હજારનો મુદામાલ મળી આવ્યો

જામનગર તાલુકાના સચાણા ગામે વર્લી મટકાનો જુગાર રમતા બે શખ્સોને એલસીબીની ટુકડીએ રોકડ, મોબાઇલ અને સાહિત્ય મળી ૧૪૫૨૦ના મુદામાલ સાથે પકડી લીધા હતા.
એલસીબી સ્ટાફ તાલુકા વિસ્તારમાં પ્રોહી જુગારના કેસો શોધી કાઢવા અંગે પેટ્રોલીંગમાં હતા, દરમ્યાન સ્ટાફના અરજણભાઇ તથા મયુદીનભાઇને ખાનગી રાહે હકીકત મળેલ કે, સચાણા ગામના પાદરમાં આવેલ બસ સ્ટેન્ડ રોડ પર વર્લી મટકાનો જુગાર રમાય છે જેના આધારે કાર્યાવાહી હાથ ધરી સચાણા ગામ કકકલ ફળીમાં રહેતા આંકડા લખનાર જાકુબ ઉર્ફે જાકુ મુસા કકકલ તથા સચાણા તળાવ ફળી ખાતે રહેતા હાજી બચુ કકકલને વર્લી મટકાનો જુગાર રમતા પકડી લીધા હતા.
પોલીસે બે મોબાઇલ, ૪૫૨૦ની રોકડ અને વર્લીનું સાહિત્ય મળી કુલ ૧૪૫૨૦નો મુદામાલ કબ્જે કરી બંનેની વિરુઘ્ધ પંચ-એમાં જુગારધારા મુજબ ફરીયાદ કરવામાં આવી હતી.
***
રાસંગપર ગામમાં પાના ટીંચતા વેપારી સહિત ચારની અટકાયત
મેઘપર પંથકના રાસંગપર ગામ નવો પાડો વિસ્તારમાં સ્ટ્રીટ લાઇટના અંજવાળે તિનપતીનો જુગાર રમતા ૪ શખ્સોને પડાણા પોલીસે રોકડ ૪૫૦૦૦ સાથે દબોચી લીધા હતા.
રાસંગપર ગામના નવા પાડા વિસ્તારમાં કેટલાક શખ્સો જાહેરમાં સ્ટ્રીટ લાઇટના અંજવાળે જુગાર રમે છે એવી હકીકતના આધારે મેઘપર પડાણા પોલીસે દરોડો પાડયો હતો, તિનપતીનો જુગાર રમતા રાસંગપર નવા પાડાના પ્રફુલ આણંદ કરણીયા, રણજીતનગર બ્લોક નં. જી-૩માં રહેતા કમલેશ પાનાચંદ ગુઢકા, દિ.પ્લોટ ૫૮, કૃષ્ણ કોલોનીમાં રહેતા દિપક કાંતીલાલ સુમરીયા અને હિરજી મિસ્ત્રી રોડ સન ટાવર એપાર્ટમેન્ટ ‚મ નં. ૩૦૧ ખાતે રહેતા વેપારી ભાવેશ ધીરજલાલ મા‚ને રોકડા ૪૫૧૭૦ અને ગંજીપતા સાથે દબોચી લીધા હતા.