દિવાળીનો તહેવાર નજીક આવી રહ્યો છે. તમામ રાજ્ય સરકારો તેમના કર્મચારીઓ અને રાજ્યના લોકોને દિવાળીની ભેટ આપી રહી છે. યુપીના લોકો માટે પણ સારા સમાચાર છે. મુખ્યમંત્રી યોગી આદિત્યનાથે આગામી દિવાળીના તહેવારને લઈને રાજધાની લખનૌમાં એક બેઠક યોજી હતી. જેમાં  મુખ્યમંત્રી યોગી આદિત્યનાથે કર્મચારીઓ માટે પહેલા બોનસની જાહેરાત કરી હતી, ત્યારે હવે તેમણે રાજ્યના લોકોને દિવાળીની ભેટ પણ આપી છે. આ દરમિયાન તેમણે સરકાર અને વહીવટી અધિકારીઓને જરૂરી નિર્દેશો આપ્યા હતા.

19 દિવસ સુધી 24 કલાક વીજળી મળશે

આ સાથે જ સીએમ યોગીએ વિજળી વિભાગને મહત્વપૂર્ણ નિર્દેશો પણ આપ્યા હતા. સીએમ યોગીએ કહ્યું કે 28 ઓક્ટોબરથી 15 નવેમ્બર સુધી સમગ્ર રાજ્યમાં 24 કલાક વીજ પુરવઠો કાપ વિના રહેવો જોઈએ. સીએમ યોગીએ કહ્યું કે પાવર કોર્પોરેશન દ્વારા આ અંગે જરૂરી તૈયારીઓ કરવામાં આવે. સીએમ યોગીના આ આદેશ બાદ હવે યુપીના લોકોને 19 દિવસ સુધી 24 કલાક વીજળી મળશે. પછી તે ગ્રામ્ય વિસ્તાર હોય કે શહેરી વિસ્તાર.

ઉજ્જવલા યોજનાના લાભાર્થીઓને મફત સિલિન્ડર

બેઠકમાં સીએમ યોગીએ કહ્યું કે 'ઉજ્જવલા યોજના'ના તમામ લાભાર્થીઓને દિવાળી પહેલા મફત એલપીજી સિલિન્ડર મળશે. આમાં કોઈપણ સ્તરે વિલંબ થવો જોઈએ નહીં. એજન્સીઓ સાથે સંકલન કરો અને શક્ય તેટલી વહેલી તકે ‘ઉજ્જવલા યોજના’ના તમામ લાભાર્થીઓને મફત સિલિન્ડરનો લાભ આપો. સીએમ યોગીએ કહ્યું કે તહેવારોને ધ્યાનમાં રાખીને લોકોની અવરજવરમાં વધારો થશે. મોટી સંખ્યામાં લોકો તેમના ઘરે જાય છે. ત્યારે પરિવહન વિભાગે ગ્રામ્ય રૂટ પર બસોની સંખ્યા વધારો કરવામાં આવશે.

પોલીસ અને વહીવટીતંત્ર એલર્ટ મોડ પર છે- CM યોગી

આગામી દિવસોમાં ધનતેરસ, અયોધ્યા દીપોત્સવ, દીપાવલી, ગોવર્ધન પૂજા, ભાઈ બીજ, વારાણસી દેવ દીપાવલી અને છઠ મહાપર્વ જેવા વિશેષ તહેવારો છે. આ ઉપરાંત આ સમયગાળા દરમિયાન અયોધ્યામાં પંચકોસી, 14 કોસી પરિક્રમા, કાર્તિક પૂર્ણિમા સ્નાન વગેરે મેળાઓનું પણ આયોજન કરવામાં આવે છે. શાંતિ, સુરક્ષા અને સુશાસનની દ્રષ્ટિએ આ સમય સંવેદનશીલ છે. તહેવારોના આ સમયમાં પોલીસ અને પ્રશાસન સહિત યુપીની આખી ટીમે 24×7 એલર્ટ રહેવું પડશે.