હૈદરાબાદ ખાતે ઓલ ઇન્ડિયા માસ્ટર એથ્લેટિક ચેમ્પિયનશિપ યોજવામાં આવી હતી જેમાં જુનાગઢ માંથી ખેલાડીઓ રમવા ગયા હતા. જે પૈકી ૮૪ વર્ષના રેવતુભા જાડેજા ગોળ ફેક માં બ્રોન્ઝ, ભાનુબેન પટેલ( દોડ ઝડપી ચાલ સ્પર્ધામાં સિલ્વર મેડલ, હીરાલક્ષ્મીબેન વાસને દોડ અને ગોળા ફેક સ્પર્ધામાં સ્પર્ધામાં સિલ્વર મેડલ, વિદુલાબેન ભટ્ટે દોડ સ્પર્ધામાં ગોલ્ડ મેડલ અને સિલ્વર મેડલ, ખાનપુરા હંસાબેને દોડસ્પર્ધામાં સિલ્વર અને ગોલ્ડ મેડલ, પટોળીયા હંસાબેને હથોડા ફેક સ્પર્ધામાં સિલ્વર મેડલ, આશાબેન ગાંધીએ ઝડપી ચાલ સ્પર્ધામાં ગોલ્ડ મેડલ અને દોડ અને બરછી ફેંક સ્પર્ધામાં બ્રોન્ઝ મેડલ, જિજ્ઞાસાબેન વસાવડાએ વિઘ્ન દોડ સ્પર્ધામાં બ્રોન્સ મેડલ, કિરણબેન રાવલે દોડ સ્પર્ધામાં બ્રોન્ઝ મેડલ, પ્રાપ્ત કર્યા હતા. ખેલાડીઓએ નેશનલ સ્પર્ધામાં વિજેતા થઈ ૧૯ મેડલ મેળવતા જુનાગઢ જિલ્લ ાના જનરલ સેક્રેટરી હારનભાઈ વિહળ, ધારાસભ્ય સંજયભાઈ કોરડીયા, ગુજરાત માસ્ટર ખેલકૂદ મંડળના પ્રમુખ જેપી કોટડીયા, ઉપપ્રમુખ સવાણી, જોઈન્ટ સેક્રેટરી દિનેશભાઈ રાઠોડ, ડો આર કે કુરેશી, સફીભાઈ દલાલ, પ્રફુલભાઈ રાઠોડ સહિતની ટીમે અભિનંદન પાઠવ્યા હતા.