રાજકોટ જિલ્લાના ધોરાજી તાલુકાના રહીશ કયુમભાઈ યુનુસભાઈ સિપાઈ નામના 60 વર્ષના મુસ્લિમ વૃદ્ધ ગુરુવારે એસ.બી.આઈ. બેન્કમાં કામ સબબ ગયા હતા. ત્યાં તેઓ કોઈ અગમ્ય કારણોસર બેભાન બની ગયા હતા. જેથી તેમને દ્વારકાની સરકારી હોસ્પિટલમાં ખસેડવામાં આવ્યા હતા. જ્યાં ફરજ પરના તબીબોએ તેમને મૃત્યુ પામેલા જાહેર કર્યા હતા. આ બનાવ અંગેની જાણ ઓખાના જાફરભાઈ આરીફભાઈ ગુજ્જરએ ઓખા પોલીસને કરી છે.

ખંભાળિયાનો શખ્સ વિદેશી દારૂ સાથે ઝડપાયો

ખંભાળિયા તાલુકાના વિરમદળ ગામે રહેતા ભીમશી વજશી કરમુર નામના શખ્સને પોલીસે વિદેશી દારૂની 3 બોટલ સાથે ઝડપી લીધો હતો. આ પ્રકરણમાં ચોક્કસ મોબાઈલ નંબર ધરાવતો એક શખ્સ ફરારી જાહેર થયો છે. જે અંગે અહીંની પોલીસમાં ગુનો નોંધાયો છે.