સવારે ઇદની નમાઝ અદા કરીને એકબીજાને મુબારકબાદી પાઠવી: જામનગર જીલ્લા જેલમાં ઇદની ઉજવણી

જામનગર સહિત હાલારમાં આજે રમઝાન ઇદની હર્ષભેર ઉજવણી કરવામાં આવી રહી છે, આજે સવારે જામનગર સહિતના વિસ્તારોમાં ઇદગાહ ખાતે વિશેષ નમાઝ મુસ્લીમ બિરાદરો દ્વારા અદા કરવામાં આવી હતી અને એકબીજાને ભેટીને મુબારકબાદી પાઠવી હતી.

જામનગરમાં આજે ગુવારે ઇદ-ઉલ-ફિત્રના પર્વની ઉજવણી કરવામાં આવી હતી, પવિત્ર રમઝાન માસના 30 દિવસ સુધી રોઝા બાદ મુસ્લીમ બિરાદરો દ્વારા ઇદ-ઉલ-ફિત્રની ઉજવણી કરવામાં આવે છે, સવારે ઇદગાહ ખાતે મોટી સંખ્યામાં મુસ્લીમ બિરાદરો દ્વારા વિશેષ નમાઝ અદા કરવામાં આવી હતી એ પછી સૌએ એકબીજાને ઇદની મુબારકબાદી આપી હતી.

પવિત્ર રમઝાન માસમાં ઇદના દિને લોકો સેવૈયા, સીર ખુરમાની વાનગી ખવડાવીને એકબીજાનું મો મીઠું કરાવે છે, ગઇકાલે બજારોમાં ખરીદી માટે ભારે ભીડ જોવા મળી હતી, લોકોએ રમઝાન ઇદના પવિત્ર પર્વને લઇને નવા વસ્ત્રો ધારણ કરી, વિશેષ નમાઝ અદા કરી અને ભાવતા ભોજનો બનાવીને આ પર્વની હર્ષભેર ઉજવણીમાં જોડાયા હતા.

આ ઉપરાંત જામનગર શહેર સહિત જીલ્લામાં ગુરૂવાર ના રોજ ઇદ-ઉલ-ફિત્ર નાપવિત્ર પર્વની ભાઇચારા સાથે હર્ષોલ્લાસભેર ઉજવણી કરવામાં આવી હતી. જામનગર જીલ્લા જેલમાં મુસ્લિમ કેદી ભાઇઓ દ્વારા ઈદ-ઉલ-ફીત્રની નમાઝ અદા કરવામાં આવી હતી તેમજ નમાઝ અદા કયર્િ બાદ કેદી ભાઇઓ એકબીજાને ગળે મળીને ઈદ ની શુભેચ્છા પણ પાઠવી હતી. આ પ્રસંગે જામનગર જીલ્લા જેલના અધિક્ષક મનુભા જાડેજાના માર્ગદર્શન હેઠળ જેલ પ્રશાસન દ્વારા વ્યવસ્થા કરવામાં આવી હતી.