ધ્રોલના જસાપર ખાતે આવેલ જસાપર પ્રાથમિક શાળા દ્વારા વિદ્યાર્થી માટે શૈક્ષણિક પ્રવાસનું આયોજન કરવામાં આવ્યું હતું.આ એક દિવસીય પ્રવાસ તા.29/11/2024 ના રોજ હતો .50 બાળકો અને 3 શિક્ષકો આ પ્રવાસ માં જોડાયા હતા.જેમાં સાયન્સ સેન્ટર ભુજ અને સ્મૃતિ વન ભુજ ખાતે જવાનું થયું જેમાં જિલ્લા પ્રાથમિક શિક્ષણ અધિકારી જામનગર, તાલુકા પ્રાથમિક શિક્ષણ અધિકારી જોડીયા ,વિજ્ઞાન કેન્દ્ર ધ્રોલ અને એસટી વિભાગ ધ્રોલનો ખૂબ સહયોગ રહ્યો છે 

આ પ્રવાસમાં સાયન્સ સેન્ટર ભુજ ખાતે બાળકોને સાત જુદી જુદી ગેલેરી અને વર્કશોપ દ્વારા ખૂબ જ સારું શિક્ષણ મળ્યું અને શિક્ષણના અનુભવ મળ્યા તેમ જ વિજ્ઞાનમાં રૂચી વધે તે માટે વિજ્ઞાનને ખૂબ નજીકથી જાણી અને પરિચય મેળવ્યો સાથે સાથે સ્મૃતિ વન ખાતે કચ્છમાં આવેલો ભૂકંપ ,ભૂકંપ આવવાના કારણો અને કચ્છ ,ગુજરાત અને ભારતનો ભૌગોલિક પરિચય પણ મેળવ્યો અહીંયા પણ ખૂબ જ્ઞાનવર્ધક વાતો થઈ અને ભૂકંપ આવે ત્યારે જે ઘટના બને તેનો ખૂબ જ સરસ અનુભવ પણ મેળવ્યો બંને જગ્યા બાળકોના શિક્ષણ માટે ખૂબ મહત્વની છે અને સરકારે આ બંને જગ્યા ખૂબ સારી રીતે વિકસાવી છે તેનો સૌ બાળકોએ લાભ લેવા જેવો છે.