પશ્ર્ચિમ રેલવેના રાજકોટ ડિવિઝનના સુરેન્દ્રનગર યાર્ડમાં એન્જિનિયરિંગ કામના કારરે ૮ મે સોમવારના રોજ કેટલીક ટ્રેનોના સમયમાં ફેરફાર કરવામાં આવ્યો છે. ડિવિઝનના સિનિયર ડીસીએમ સુનિલકુમાર મીનાના જણાવ્યા અનુસાર ૮ મેના રોજ કેટલીક ટ્રેનો રદ કરવામાં આવી છે

જેમાં ટ્રેન નં.૦૯૫૭૨ ભાવનગર-સુરેન્દ્રનગર, ટ્રેન નં.૦૮૫૦૩ સુરેન્દ્રનગર-ભાવનગર, ટ્રેન નં.૦૯૩૫૯ બોટાદ-ધ્રાંગધ્રા ડેમુ, ટ્રેન નં.૯૩૬૦ ધ્રાંગધ્રા-બોટાદ ડેમુ, ટ્રેન નં.૧૯૧૧૯ અમદાવાદ-સોમનાથ ઈન્ટરસિટી, ટ્રેન નં.૧૯૧૨૦ સોમનાથ-અમદાવાદ ઈન્ટરસિટીનો સમાવેશ થાય છે.
આ ઉપરાંત ટ્રેન નં.૦૯૫૩૪ ભાવનગર-સુરેન્દ્રનગર ટ્રેન ભાવનગર ટર્મિનસ સ્ટેશનથી વઢવાણ સ્ટેશન સુધી દોડશે જયારે ટ્રેન નં.૦૯૫૨૭ સુરેન્દ્રનગર-ભાવનગર ટ્રેન વઢવાણ સિટી સ્ટેશનથી દોડશે આમ આ ટ્રેન વઢવાણથી શરૂ  થઈને ભાવનગર સુધી દોડશે.

એન્જિનિયરિંગ કામના કારણે સુરેન્દ્રનગર સ્ટેશન પર કેટલીક ટ્રેનો મોડી થશે જેમાં તા.૭ના રોજ ટ્રેન નં.૧૨૪૭૬ માતા વૈષ્ણોદેવી કટારા-જામનગર સુપર ફાસ્ટ એકસપ્રેસ માર્ગમાં ૪૦ મિનિટ મોડી થશે જયારે તા.૮ના રોજ ટ્રેન નં.૧૧૪૬૫ સોમનાથ-જબલપુર એકસપ્રેસ ૩૦ મિનિટ મોડી થશે તેમજ ટ્રેન નં.૧૯૨૧૮ વેરાવળ-બાન્દ્રા એકસપ્રેસ ૩૦ મિનિટ અને ટ્રેન નં.૨૨૯૪૬ ઓખા-મુંબઈ સેન્ટ્રલ સૌરાષ્ટ્ર મેઈલ ૫૦ મિનિટ મોડી થશે આ ઉપરાંત ટ્રેન નં.૨૨૯૫૯ વડોદરા-જામનગર ઈન્ટરસિટી એકસપ્રેસ ૪૦ મિનિટ તથા ૦૯૫૭૫ રાજકોટ-મહબુબનગર એકસપ્રેસ ૩૦ મિનિટ મોડી થશે.