જ્યારે ભારતના ધનિક લોકો બીજા દેશમાં જવાની યોજના બનાવે છે, ત્યારે તેમાંથી મોટાભાગના લોકો યુએઇ અને ખાસ કરીને દુબઈને પસંદ કરે છે, ઈન્ટરનેશનલ ઈન્વેસ્ટમેન્ટ માઈગ્રેશન એડવાઈઝરી ફર્મ હેનલી એન્ડ પાર્ટનર્સનો રિપોર્ટ કહે છે કે આ વર્ષે લગભગ 4,300 કરોડપતિઓ ભારત છોડી દેશે. અને તેમાંથી મોટાભાગના યુએઈ જઈ રહ્યા છે.

જો કે એવું નથી કે ભારતના અમીર લોકોને દેશ છોડવાની ઉતાવળ છે. આ સંખ્યા માત્ર થોડાક અમીર ભારતીયોની છે. અહેવાલમાં જણાવાયું છે કે, જો કે, અમારા મતે આ આઉટફ્લો ખાસ કરીને ચિંતાજનક નથી કારણ કે ભારત સ્થળાંતરને કારણે ગુમાવી રહ્યું છે તેના કરતાં વધુ નવા એચએનડબલ્યુઆઇએસ બનાવી રહ્યું છે. વધુમાં, મોટા ભાગના કરોડપતિઓ દેશ છોડીને દેશમાં વ્યાપારી હિતો માટે જઇ રહ્યા છે, જ્યારે તેઓ ભારતમાં પણ પોતાના મૂળ ટકાવી રહ્યા છે, જે એક સકારાત્મક સંકેત છે.
ભારતના ધનિકો માટે, યુએઇએ ઑસ્ટ્રેલિયા, સિંગાપોર, ઇઝરાયેલ, સ્વિટ્ઝર્લેન્ડ, યુએસ, કેનેડા, ન્યુઝીલેન્ડ અને યુકે જેવા અન્ય લોકપ્રિય સ્થળો કરતાં સ્થળાંતર માટે વધુ આકર્ષણ છે. દુબઈના બજારે ગયા વર્ષે ભારતીયોને વેચાણથી 16 બિલિયન દિરહામ અથવા રૂ. 35,500 કરોડની કમાણી કરી હતી. જે 2021માં તેણે મેળવેલા 9 બિલિયન દિરહામ કરતાં લગભગ બમણી છે. ત્યાં ઘર ખરીદનારાઓમાં ભારતમાંથી દિલ્હી-એનસીઆર, અમદાવાદ, સુરત, હૈદરાબાદ અને પંજાબના 40% હતા. બાકીના યુએઇમાં રહેતા ભારતીયો અને વિશ્વના વિવિધ ભાગોમાં રહેતા વૈશ્વિક ભારતીયો (20%) હતા.

ધનિક ભારતીયો માટે દુબઈ, સિંગાપોર અને લંડન જેવા શહેરોમાં ઓવરસીઝ ફેમિલી ઓફિસ સ્થાપવાનું વલણ વધી રહ્યું છે. ઘણીવાર યુવા પેઢીના સભ્યો, જેઓ કાં તો વિદેશમાં અભ્યાસ કરતા હોય અથવા તો વિદેશના કેમ્પસમાંથી પાછા ફયર્િ હોય અને વ્યવસાયમાં જોડાયા હોય, તેઓ વિદેશી અધિકારક્ષેત્રમાં ફેમિલી ઓફિસ સ્થાપવા ઈચ્છે છે. ઘણા સ્ટાર્ટઅપ સ્થાપકો પણ પોતાનો આધાર વિદેશમાં શિફ્ટ કરી રહ્યા છે અને ત્યાં ફેમિલી ઓફિસ ખોલી રહ્યા છે.

વિદેશ તરફ આકર્ષવાના ઘણા કારણો છે. એક, તેઓ ભારતમાં કોઈપણ સંભવિત ટેક્સ-સંબંધિત અથવા નિયમનકારી જવાબદારીઓથી તેમની સંપત્તિના એક ભાગને સુરક્ષિત કરવા માંગે છે. બીજું, વિદેશી ફેમેલી ઓફિસ વિદેશી બજારો સુધી પહોંચવાનું અને અન્ય ભૌગોલિક વિસ્તારોમાં વ્યવસાયને વધારવાનું સરળ બનાવે છે. ત્રીજું, તે રોકાણો અને વ્યવસાયોમાં વૈવિધ્યકરણ તરફ દોરી જાય છે. સામાન્ય રીતે, ફેમિલી ઓફિસ એ ખાનગી માલિકીની એન્ટિટી છે જે અંદાજે 100 મિલિયન ડોલર (અંદાજે રૂ. 820 કરોડ) ની રોકાણ કરી શકાય તેવી અસ્કયામતો ધરાવતા પરિવાર માટે રોકાણ અને સંપત્તિનું સંચાલન કરે છે.

આ સુપર રિચ ભારતીયો ઉપરાંત ઘણા પ્રોફેશનલ્સ પણ દુબઈને પસંદ કરી રહ્યા છે. ગોલ્ડન વિઝા પ્રોગ્રામ - જે વધુ કામદારો, કુશળ વ્યાવસાયિકો, વૈજ્ઞાનિકો અને સંશોધકોને સમાવવા માટે 2022 માં વિસ્તૃત કરવામાં આવ્યો છે. યુએઈને શ્રીમંત ભારતીયોના આ નવા જૂથ માટે એક વધારાનું આકર્ષણ આપ્યું છે. આ પ્રોગ્રામ લાંબા ગાળાના રહેઠાણ વિઝા છે જે વિદેશી પ્રતિભાઓને વિશેષ લાભો માણતી વખતે ત્યાં રહેવા, કામ કરવા અથવા અભ્યાસ કરવાની મંજૂરી આપે છે.

કોસ્મોપોલિટન કલ્ચર, સારી નાગરિક સુવિધાઓ, ઉચ્ચ-ગુણવત્તાવાળી ઈન્ફ્રાસ્ટ્રક્ચર, ઉચ્ચ જીવનધોરણ, ગુણવત્તાયુક્ત શિક્ષણ, શોપિંગ, વિશ્વ-વર્ગની આરોગ્યસંભાળ અને વૈવિધ્યસભર મનોરંજન વિકલ્પો એ શ્રીમંત લોકો માટે યુએઈના અન્ય આકર્ષણો છે. વ્યવસાય સ્થાપવાની સરળતા, વ્યક્તિગત આવકવેરા પર સંપૂર્ણ મુક્તિ અને મૈત્રીપૂર્ણ નીતિ વાતાવરણથી આકર્ષિત, ભારતના ઘણા ટેક ઉદ્યોગસાહસિકો ત્યાંનાં ગોલ્ડન વિઝા પ્રોગ્રામનો ઉપયોગ કરીને યુએઈમાં સ્થળાંતર કરી રહ્યા છે.
દુબઈમાં સ્ટાર્ટઅપ સમુદાયના 30 ટકાથી વધુ ભારતીયો છે અને આ શહેર ભારતમાંથી ઘણી ટેક ટેલેન્ટને આકર્ષવા માંગે છે. તે 100,000 ગોલ્ડન વિઝા ઓફર કરે છે જે ઉદ્યોગસાહસિકો અને ટેક્નોલોજી રોકાણકારોને 10 વર્ષ સુધી દેશમાં રહેવાની મંજૂરી આપે છે, જે નિયમિત વિઝા કરતાં વધુ લાંબી છે અને તેણે સ્ટાર્ટઅપ્સને ફંડ શોધવામાં, સ્થાપિત કંપ્નીઓ સાથે ભાગીદારી કરવામાં અને તેમના ઉત્પાદનોનું વિદેશમાં માર્કેટિંગ કરવામાં મદદ કરી છે.
છેલ્લા કેટલાક વર્ષોમાં, યુએઇએ તેલ સમૃદ્ધ પ્રદેશમાં પ્રચલિત દાયકાઓ જૂના આર્થિક મોડલથી દૂર જવાનું શરૂ કર્યું છે, જે રહેઠાણને રોજગાર સાથે જોડે છે. સત્તાધિકારીઓએ લાંબા ગાળાના ’ગોલ્ડન’ વિઝા માટેની પાત્રતાનો અવકાશ વિસ્તાર્યો, કંપ્નીઓ માટે સ્થાનિક ભાગીદારોની બહુમતી સંખ્યાની જરૂરિયાતને દૂર કરી, સોમવારથી શુક્રવાર સુધીના વર્ક ડેનો અમલ કર્યો, અને અપરિણીત યુગલો માટે સાથે રહેવા માટે તેને કાયદેસર બનાવ્યું. 2023માં દુબઈ પાસે 411,802 સક્રિય બિઝનેસ લાઇસન્સ હતા. આ 2022 ના સ્તરો કરતા 30% અને 2021 થી 75% નો વધારો છે.