રાજ્યમાંથી ડ્રગ્સનું દૂષણ દૂર રાખવા માટે અવાર-નવાર ડ્રાઈવનું આયોજન કરવામાં આવે છે. આમ છતાં રાજ્યમાંથી ડ્રગ્સ મળવાની ઘટના હવે છાશવારે બનતું હોવાનું સામે આવે છે. રાજ્યના વિવિધ દરિયાકિનારેથી ડ્રગ્સ મળવાની ઘટના અવાર-નવાર સામે આવે છે. હવે અમદાવાદ એરપોર્ટ પરથી 2 કરોડના હાઈબ્રીડ ગાંજા સાથે 7 આરોપીઓની ધરપકડ કરવામાં આવી છે. આ મામલામાં એક આરોપીને વોન્ટેડ જાહેર કરવામાં આવ્યો છે.

મળતી માહિતી મુજબ અમદાવાદ એરપોર્ટના ટર્મિનલ-2ના ગેટ બહારથી 7.5 કિલો હાઈબ્રીડ ગાંજા સાથે 7 આરોપીઓની ધરપકડ કરવામાં આવી છે. આ આરોપીઓ પાસેથી ૨૭૦૦૦ હજાર રૂપિયાનું વિદેશી નાણું (દિરહામ) સહિત 4 પાસપોર્ટ કબજે કરવામાં આવ્યા છે. આરોપીઓ વિદેશથી આ હાઈબ્રીડ ગાંજો લાવ્યાં હતા. પોલીસે તમામની ધરપકડ કરી પૂછપરચો હાથ ધરી છે. સાથે એક આરોપીને વોન્ટેડ જાહેર કર્યો છે.