મોટી ખાવડીમાં ટ્રેલરે મોટરસાયકલને હડફેેટે લેતા યુવાન ઘાયલ

જામનગર-લાલપુર રોડ ચેલાથી આગળની ગોળાઇમાં ટીવીએસ મોટરસાયકલ ચાલકે ગફલતભરી રીતે ચલાવી પડી જતા પોતાનું મોત નિપજાવ્યુ હતું અને પાછળ બેઠેલાને ઇજા કરી હતી, જયારે મોટી ખાવડી વિસ્તારમાં અજાણ્યા ટ્રેલરચાલકે બાઇકને ઠોકર મારતા એક યુવાનને માથામાં ગંભીર ઇજા પહોચી હતી.

જામનગરથી લાલપુર હાઇવે ચેલા ગામથી આગળ એશ્ર્વયર્િ ફાર્મ પાસેની ગોળાઇમાં ગત તા. 28ના પોણા બે વાગ્યાના સુમારે ટીવીએસ મોટરસાયકલ નં. જીજે10ઇબી-4803ના ચાલકે પુરઝડપે અને ગફલતભરી રીતે ચલાવી બાઇક પરથી કાબુ ગુમાવી દેતા નીચે પડતા બેસેલ રણજીતને ગંભીર ઇજા તથા પોતાના શરીરે ગંભીર ઇજા પહોચાડી સારવારમાં જી.જી. હોસ્પીટલ લાવતા ફરજ પરના તબીબે તપાસી મરણગયાનું જણાવ્યુ હતું. પોતાનું મોત નિપજાવી ગુનો કર્યો હતો.

આ અંગે દરેડ ગામમાં રહેતા સવાભાઇ ભાદાભાઇ ટોયટા (ઉ.વ.34)એ પંચ-બીમાં ટીવીએસ મોટરસાયકલ ચાલક સામે ફરીયાદ નોંધાવી હતી જેના આધારે આગળની કાર્યવાહી હાથ ધરવામાં આવી હતી.

બીજા બનાવમાં નાઘેડી ગામમાં રહેતા ભરત પબાભાઇ ચાવડા (ઉ.વ.41)એ અજાણ્યા ટ્રક ટેલરના ચાલક સામે ફરીયાદ કરી હતી. ગત તા. 29ના રોજ મોટી ખાવડી મટીરીયલ ગેઇટની સામેના રોડ પર અજાણ્યા ટ્રેલર ચાલકે ગફલતભરી રીતે ચલાવી આગળ જતા મોટરસાયકલ નં. એમપી-11-એનડી-4604ના ચાલક ભવરસિંહ પ્રેમચંદ શિંગાળ (ઉ.વ.43) રહે. ખાવડી, સતીવાડી વિસ્તારને બાઇક સહિત નીચે પછાડી દેતા ભવરસિંહને માથામાં ગંભીર ઇજા થઇ હતી. જયારે ચાલક ટ્રેલર લઇને નાશી ગયો હતો.