​​​​​​​પોતાને સ્વસ્થ રાખવા માટે લોકો સવાર કે સાંજ ચાલવાનું પસંદ કરે છે. આ એક એવી કસરત છે જે તમારા શરીરને માત્ર લાભ આપે છે. પણ જો તમે ઊંધા ચાલીને કસરત કરો તો?  અત્યારે લોકોમાં રિવર્સ વૉકિંગનો ટ્રેન્ડ શરૂ થયો છે. શું રિવર્સ વૉકિંગથી ખરેખર કોઈ સ્વાસ્થ્ય લાભ થાય છે?  

રિવર્સ વૉકિંગથી ઘણા સ્વાસ્થ્ય લાભ થાય છે. આજકાલ લોકોમાં આ ટ્રેન્ડ વધી રહ્યો છે એટલું જ નહીં તેના ઘણા સ્વાસ્થ્ય લાભ પણ છે. નિષ્ણાતો એમ પણ માને છે કે આ બિનપરંપરાગત કસરત તમારા શારીરિક અને માનસિક બંને સ્વાસ્થ્ય પર હકારાત્મક અસર કરે છે.

રિવર્સ વૉકિંગમાં, ફોરવર્ડ વૉકિંગની સરખામણીમાં વિવિધ સ્નાયુ સક્રિય થાય છે. તે, ક્વૉડ્સ અને હેમસ્ટ્રિંગ્સ પર દબાણ લાવે છે, જે વર્કઆઉટને સંતુલિત કરે છે અને શરીરના સ્નાયુઓને ટોન અને મજબૂત બનાવે છે. આ કસરત એથ્લીટ્સ અને ફિટનેસ ફ્રીક્સ માટે અત્યંત ફાયદાકારક છે.

રિવર્સ વોકથી વધે છે એકાગ્રતા

રિવર્સ વૉકિંગ સંતુલન અને સંકલન સુધારે છે. પાછળની તરફ ચાલતી વખતે એકાગ્રતા અને જાગૃતિ રાખવી પડે છે. આ એકાગ્રતા પડવાનો ડર ઘટાડે છે. લોકોને માનસિક રીતે ખૂબ જ મજબૂત બનાવે છે.

અભ્યાસ મુજબ, આગળ ચાલવા કરતાં પાછળ ચાલવાથી હૃદયના ધબકારા ઝડપથી વધે છે. આ કસરત હૃદયના સ્વાસ્થ્યને સુધારે છે અને ઝડપથી કેલરી બર્ન કરીને વજનને પણ નિયંત્રિત કરે છે.