ગઈકાલે દેશભરમાં રક્ષાબંધનનો તહેવાર ઉજવાઈ રહ્યો હતો. એક બાજુ કોલકાતામાં એક જુનિયર ડૉક્ટર પર બળાત્કાર અને હત્યામાં ન્યાય માટે વિરોધ અટકવાના કોઈ ચિહ્નો દેખાતા નથી. ત્યારે જબલપુરની નેતાજી સુભાષચંદ્ર બોઝ મેડિકલ કોલેજમાં કોલકાતાની દીકરીને ન્યાય મળે તે માટે જુનિયર ડોક્ટરોએ અનોખી રીતે રક્ષાબંધનની ઉજવણી કરી હતી.

રક્ષાબંધનનાં દિવસે જબલપુરની નેતાજી સુભાષ ચંદ્ર બોઝ મેડિકલ કોલેજનાં ડોક્ટરોએ વિરોધમાં કેન્ડલ માર્ચ કાઢી હતી અને એકબીજાને કાળી પટ્ટી વાળી રાખડી બાંધીને ન્યાયની માંગણી કરી હતી. આ ઘટનાની નિષ્પક્ષ તપાસ અને કડક સુરક્ષા વ્યવસ્થાની જરૂરિયાત છે. આ સાથે તેણે પોતાના હાથ પર બાંધેલી રાખડીનું નામ અભય રાખ્યું હતું.