કેટલાક લોકો ફ્લાઇટ દરમિયાન કાનમાં દુખાવો અનુભવે છે. આ ટેક-ઓફ અને લેન્ડિંગ દરમિયાન થાય છે અને ઊંચાઈ અને દબાણમાં ફેરફારને કારણે થાય છે. આજે આ સમસ્યાથી બચવાના કેટલાક ઉપાયો વિશે જણાવવા જઈ રહ્યા છીએ. આ કેટલીક ટીપ્સ ફ્લાઇટ દરમિયાન કાનના દુખાવાને રોકવા અને સારવારમાં મદદરૂપ થઈ શકે છે.

ટેક-ઓફ અને લેન્ડિંગ દરમિયાન સૂવાનું ટાળો

ફ્લાઈટ દરમિયાન ઊંઘવામાં કોઈ સમસ્યા નથી. જો કે કોઈ વ્યક્તિ ટેક-ઓફ અને લેન્ડિંગ દરમિયાન સૂઈ જાય તો તેના કાનમાં દુખાવો થઈ શકે છે. જો કોઈ વ્યક્તિને ફ્લાઈટમાં સુવાનો વિચાર હોય તો ફોન અથવા ઘડિયાળનું એલાર્મ તેમને લેન્ડિંગ વખતે એલર્ટ કરી શકે છે. આનાથી કાનના દુખાવાથી બચી શકાય છે.

ચ્યુઇંગ ગમ

ચ્યુઇંગ ગમ ફ્લાઇટ દરમિયાન કાનના દુખાવાને રોકવામાં મદદ કરી શકે છે. ટેક-ઓફ અને લેન્ડિંગ દરમિયાન દબાણના ફેરફારો પ્રત્યે ઓછા સંવેદનશીલ બનવામાં મદદ કરે છે. ચ્યુઇંગ ગમ એ સ્નાયુઓને સક્રિય કરે છે જે કાનમાં યુસ્ટાચિયન ટ્યુબ ખોલે છે. આ ટ્યુબ મધ્ય કાનથી - કાનના પડદાની પાછળની જગ્યા - નાક અને ગળાના પાછળના ભાગ સુધી ચાલે છે અને પ્રવાહીને બહાર કાઢવામાં મદદ કરે છે.

ડીકોન્જેસ્ટન્ટ દવા

ડીકોન્જેસ્ટન્ટ દવા ફ્લાઇટ દરમિયાન કાનના દુખાવાને ઘટાડવામાં મદદ કરી શકે છે. ફ્લાઇટની 30 મિનિટ પહેલાં દવા લેવી ખૂબ જ મહત્વપૂર્ણ છે. કારણકે દવાને સક્રિય થવામાં ઓછામાં ઓછો અડધો કલાક લાગે છે. લોકો સામાન્ય રીતે આ દવાને ફાર્મસી, કરિયાણાની દુકાન અથવા ઓનલાઈન ખરીદી શકે છે.

ઇયર પ્લગ

ઇયર પ્લગ ફ્લાઇટ દરમિયાન અતિશય અવાજને રોકવામાં મદદ કરી શકે છે. જેથી વ્યક્તિને ઊંઘવામાં અથવા કામ પર ધ્યાન કેન્દ્રિત કરવામાં મદદ મળે. તેઓ કાનમાં દબાણને સમાન કરવામાં પણ મદદ કરી શકે છે. જે ફ્લાઇટ દરમિયાન અગવડતાને રોકવા માટે યોગ્ય છે. જો કોઈ વ્યક્તિ ફ્લાઇટ દરમિયાન સૂવા માંગે છે, તો તે માટે ઇયરપ્લગનો ઉપયોગ કરી શકે છે.

જો સામાન્ય શરદી અથવા ગળામાં ચેપ હોય તો હવાઈ મુસાફરી ટાળવી જોઈએ. જ્યારે તબિયત સુધરી જાય એ બાદ જ હવાઈ મુસાફરી કરો.