પોરબંદરના બરડા પંથકના દેવરિયા નજીક આવેલ વેરાડી ડેમ નબળો થયો છે અને તૂટવાનો છે તેવી અફવાઓ ફેલાઇ છે ત્યારે આગેવાને લોકોને અફવામાં નહીં આવવા જાણ કરી છે.
પોરબંદરના સામાજિક અગ્રણી રામદેવભાઇ મોઢવાડીયાએ જણાવ્યુ છે કે પોરબંદર જિલ્લામાં ભારે વરસાદના કારણે નદી નાળા અને ડેમો છલકાયા છે. પોરબંદરના બરડાપંથકના દેવરિયા નજીક આવેલ વેરાડી ડેમ નબળો થયો છે. ડેમ તૂટવાનો છે તેવી અફવાઓ ફેલાઇ રહી છે. ત્યારે પોરબંદરના સામાજિક અને રાજકીય અગ્રણી રામદેવભાઇ મોઢવાડીયાએ વિડીયો સંદેશના માધ્યમથી અપીલ કરી છે કે ડેમ તૂટવાની અફવાઓથી દૂર રહેવું અને હાલ પોરબંદરના બરડા પંથકમાં તમામ ડેમો સલામત છે. ખોટી અફવાઓથી દૂર રહેવું જોઇએ. બરડા પંથકમાં ભારે વરસાદ પડયો છે ત્યારે લોકોએ નદીના પટ પર અવરજવર ન કરવા અને પાણીમાં જીવના જોખમે વાહનો કે લોકોએ પસાર ન થવા સામાજિક અને રાજકીય અગ્રણી રામદેવભાઇ મોઢવાડીયાએ અપીલ કરી છે.