દિવાળીના આડે હવે લગભગ એક સપ્તાહનો સમય બાકી છે, ઉદ્યોગ સહિતના ખાનગી વ્યવસાયોમાં સામાન્ય રીતે તા. પ સુધી પગાર થઇ જતો હોય છે, ઘણાં સ્થળોએ ૧લી તારીખે પગાર અપાઇ જતો હોય છે, બોનસ વિગેરેની ચૂકવણીનો લગભગ હવે થઇ જશે ત્યારે ધીમે ધીમે જામનગરની બજારોમાં ખરીદીનું પ્રમાણ વધી રહ્યું છે, આમ તો દિપાવલીના તહેવાર અનુસાર હજુ સુધી જોઇએ એવી ખરીદી નહીં નીકળી હોવાનું વેપારીઓ કહી રહ્યા છે, જો કે પગાર થઇ ગયા પછી અને બોનસ વિગેરેની રકમ મળી ગયા બાદ આગામી બે-ત્રણ દિવસમાં બજારોની ચમક બદલાઇ જશે અને ખાસ કરીને બર્ધન ચોક, ચાંદીબજાર, સિંધી માર્કેટ, સુપર માર્કેટ, રણજીત રોડ, ત્રણ બત્તી સહિતના વેપારી વિસ્તારોમાં મોટા પ્રમાણમાં ખરીદી થશે.