બિપરજોય વાવાઝોડાની અસર ગુજરાતના અનેક જીલ્લાઓમાં શરુ થઈ ચુકી છે. અનેક વિસ્તારોમાં વરસાદ વરસવા લાગ્યો છે. છેલ્લા 24 કલાક દરમિયાન અનેક વિસ્તારો જળબંબાકાર થયા છે. રાજકોટના ધોરાજીમાં પણ ધોધમાર વરસાદ વરસ્યો છે. બિપરજોય વાવાઝોડુ દરિયાકાંઠે પહોંચે એ પહેલા જ દરિયાકાંઠાના વિસ્તારોમાં ભારે પવન સાથે વરસાદ વરસ્યો છે.

રાજકોટના ધોરાજીમાં જળબંબાકાર વરસાદ વરસ્યો છે. નિચાણવાળા વિસ્તારોમાં વરસાદી પાણી ભરાઈ ચૂક્યા છે. એક કલાકમાં જ 2 ઈંચ જેટલો વરસાદ ધોરાજીમાં વરસ્યો હતો. વાવાઝોડાને લઈ તંત્ર એલર્ટ મોડમાં છે અને તમામ પૂર્વ તૈયારીઓ સજ્જ કરી લેવામાં આવી છે. ગુજરાતના દરિયાકાંઠાના તમામ જિલ્લા અને તાલુકાઓ પર સતત નજર દાખવવામાં આવી રહી છે.