જામનગર મહાપાલિકા દ્વારા કરાર આધારીત હંગામી ધોરણે ભરતી કરવા માટે ઓનલાઇન અરજી મંગાવવામાં આવી છે, 30 જગ્યા ભરવા માટેની જાહેરાત બહાર પડાઇ છે ત્યારે કોર્પોરેશનનું આ પગલું આવકારદાયક છે અને કર્મચારીઓનું થતું શોષણ પણ અટકશે, પરંતુ કોર્પોરેશન દ્વારા જે જગ્યાઓ માટે અરજી મંગાવવામાં આવી છે તેમાં એસટી, એસસી, ઓબીસી માટે રિઝર્વેશન દશર્વિવામાં આવેલ નથી, કેન્દ્ર સરકારે સુપ્રિમ કોર્ટમાં સોગંદનામુ રજુ કર્યુ છે જેમાં 45 દિવસ કે જેથી વધુ અસ્થાયી નિમણુંકમાં અનામત મળશે ત્યારે જામનગર કોર્પોરેશને બહાર પાડેલી ભરતી પ્રક્રિયા રદ કરી નવેસરથી અનામત લાગુ કરી નવેસરથી જગ્યા ભરવા માંગણી કરી છે અને આ અંગેનું એક આવેદનપત્ર કલેકટર ડી.એન.મોદી અને મેયરને આપવામાં આવ્યું હતું. આવેદનપત્ર આપતી વખતે એડવોકેટ આનંદ ગોહીલ, કોર્પોરેટર આનંદ રાઠોડ, વકીલ ખોડીદાસ વાઘેલા, અનિલ મકવાણા, હરેશ પરમાર હાજર રહ્યા હતાં.